Iechyd, Diogelwch a Cymorth Cyntaf Brys

Cwrs deuddydd sy'n rhoi'r cyfle i ennill Tystysgrif Cymorth Cyntaf Brys.
Agweddau o Iechyd a Diogelwch yn cynnwys golwg gyffredinol ar y pethau hynny sy'n berthnasol i fudiadau gwirfoddol, fel, Asesiad risg, gweithio allan o'r gweithle, defnyddio offer, sut i ymdrin a llaw, damweiniau a diogelwch tân.

Mae'r Cymorth Cyntaf Brys yn cynnwys agweddau ei angen i ymgeiswyr i sicrhau tystysgrif Cymorth Cyntaf.
Yn gynwysiedig ym mhris y cwrs o £30.00 telir £23.00 gan Medrwn Môn i'r cwrs gael ei archredu i dderbyn tystysgrif Cymorth Cyntaf

Sefydliad Elusennol John Ellerman

Mae'r sefydliad yn anelu i gefnogi traws doriad eang o elusennau yn y DU, sy'n gwneud gwaith o werth cenedlaethol yn y meysydd canlynol:

Meddygol ag Anableddau, Celfyddyd, Cadwraeth, Datblygu Cymunedol a
Lles Cymdeithasol.

Mae'r Sefydliad yn anelu i roi mwy o grant, ond i lai o elusennau, ac i ddatblygu
partneriaethau efo elusennau sy'n derbyn cefnogaeth, mae diddordeb arbennig i waith dyfeisgar, neu gydweithrediad rhwng dau neu fwy o elusennau.

Mae'r Sefydliad yn ymwybodol bod cyllid craidd yn fwy anodd i'w ddenu, ac yn hapus i gefnogi i'r pwrpas yma - yn amodol i ddilyn canllawiau caeth ar wariant, a'r effaith o beth mae wedi ei alluogi i'w gyflawni.

I'r rhai sy'n ystyried cyflwyno cais bydd angen yn gyntaf ysgrifennu disgrifiad byr o'r elusen, â'r angen am gyllid. Ni ddylai'r llythyr fod fwy na dwy ochr o bapur A4, does dim angen anfon adroddiadau blynyddol, neu unrhyw wybodaeth gefndirol ar hyn o bryd.
Fe benderfynir gan yr Ymddiriedolwyr ar dderbyn y llythyr os y dymunent wahodd cais ffurfiol, ac os felly, fe anfonir ffurflen gais.

Dylid cyfeirio unrhyw ohebiaeth at y Swyddog Apeliadau, Sefydliad John Ellerman, Aria House, 23 Craven Street, Llundain. WC2N 5NS neu e-bost: Eileen Terry -
Rheolwr Apeliadau ar:

Bydd y Sefydliad yn hapus i drafod ceisiadau posib dros y ffôn ar .

Anabledd Chwaraeon Cymru

Penodwyd Rachel Cooper fel Swyddog Datblygu Anabledd Chwaraeon ar
Ynys Môn. Mae Cyngor Chwaraeon Cymru mewn partneriaeth â Ffederasiwn o
Asiantaethau Chwaraeon i'r Anabl wedi datblygu menter newydd a elwir Anabledd Chwaraeon Cymru. Bydd gan pob awdurdod lleol trwy Gymru Swyddog Datblygu Anabledd Chwaraeon o fewn eu tîm datblygu chwaraeon.

Yn wreiddiol o Wrecsam, mae Rachel wedi gweithio fel hyfforddwraig ffitrwydd ac yn fwy diweddar fel Swyddog dyletswydd canolfan chwaraeon. Ar ôl cwblhau gradd mewn addysg gorfforol yn 1996, gweithiodd mewn gwahanol amgylcheddau chwaraeon ac ymarfer gydag ystod eang o grwpiau gan gynnwys pobl ag anableddau.

Mae llawer o broblemau mewn anabledd chwaraeon angen eu cyfeirio, mae Rachel yn gobeithio goresgyn rhai o'r problemau ac i gynyddu cyfleoedd a chyfranogiad ar bob lefel ymhlith pobl anabl drwy greu clybiau newydd a datblygu clybiau sy'n bodoli.

Os â diddordeb bod ynghlwm â chwaraeon i'r anabl, unai fel cyfranogwr, hyfforddwr, rhiant neu wirfoddolwr, cysylltwch â Rachel Cooper ym Mhlas Arthur, Llangefni ar ddydd Llun i ddydd Mercher.

CYFLEOEDD GWIRFODDOLI AR YNYS MÔN - Chwefror/Mawrth 2002

Taran- cefnogi pobl gydag anableddau mewn awyrgylch swyddfa a gyda gweithgaredd cymdeithasol
SOVA- Cynghorwr ar frys i gynnig cyfarwyddyd/cefnogaeth. Hyfforddiant ar gael.

Homestart- angen Trysorydd/Aelod o'r Pwyllgor Rheoli.
Car Linc Môn- angen gyrwyr gwirfoddol, a gwirfoddolwyr i helpu gyda siopa, casglu presgripsiwn Hospis yn y Cartref- i helpu yn eu Canolfan Dydd yng Nghaergybi ar ddydd Llun a Gwener ac ym Miwmares ar ddydd Iau, hefyd gydag ymweliadau cartref a chludiant Gwasanaeth Tystion- i gynorthwyo yn Llysoedd Ynadon a'r Goron leol RSPCA- i archwilio cartrefi, yn bennaf cwn, ar Ynys Môn. Hyfforddiant ar gael Leukaemia CARE- cymorth, cysylltiad ffôn, helpu codi arian. Ymweld â phobl yn eu cartref/ysbyty.

Cynllun Gofalwyr Ifanc Ynys Môn- angen gyrwyr i ddanfon gofalwyr ifanc o'r ysgol i grwpiau ac wedyn adref, hefyd angen cynorthwywr gwirfoddol
Y Groes Goch- i staffio 'Bws Teithiol Ieuenctid' ar Ynys Môn sy'n cynnig cymorth a gwybodaeth i bobl ifanc mewn ardaloedd gwledig.

Grwp Gofal M H A- gwirfoddolwyr i gasglu arian i'r prosiect tuag at gostau eitemau/digwyddiadau i drigolion/aelodau fwynhau, er mwyn gwella ansawdd bywyd.

Gwyl Cefni - angen stiwardiaid yng Ngwyl Cefni ddiwedd Awst 2002.

SSAFA - angen gwirfoddolwyr i edrych ar ôl lles dynion, merched a'u teuluoedd sydd wedi bod neu yn y lluoedd arfog.
Wythnos Gwirfoddoli - 7 - 13 Mehefin 2002

Dathlir wythnos gwirfoddoli trwy Brydain gan roi llwyfan proffil uchel i fudiadau sydd â gwirfoddolwyr. Gwneir hyn er mwyn rhoi cydnabyddiaeth deilwng a diolch i'r 21 miliwn o wirfoddolwyr ym Mhrydain. Gall mudiadau hefyd ennill cyhoeddusrwydd ac efallai recriwtio gwirfoddolwyr newydd.

Byddem yn ddiolchgar am unrhyw syniadau/digwyddiadau sydd gennych,i wneud yr wythnos yn un arbennig ar Ynys Môn.

Am fwy o wybodaeth cysylltwch â Jackie neu Cadi, Medrwn Môn ar

Bydd Medrwn Môn yn symud o Ystafell 20 cyn bo hir i ymuno â gweddill y tîm yn Neuadd y Sir,
Ffordd Glanhwfa.

Gadawn i chwi wybod y dyddiad yn fuan ond, yn y cyfamser daliwch i gysylltu â'r 2 gyfeiriad.

Y 200fed grwp i ymuno â Medrwn Môn

Mae Pwyllgor Rheoli yn rhedeg yr ysgol yn wirfoddol. Yn Hydref 2004 bydd yr ysgol yn dathlu ei phenblwydd yn 40 oed. Am fwy o wybodaeth cysylltwch ag Angharad de Bruin, Ysgrifenyddes ar .

Dywedodd Prif Swyddog Medrwn Môn,John R Jones "Rydym yn annog grwpiau i ymaelodi ac i weithio mewn partneriaeth i ddylanwadu, datblygu a chwarae rhan allweddol mewn datblygu cymunedau ar yr ynys".

Dywedodd Tony Pritchard - Cadeirydd Medrwn Môn "Rydym yn gosod targedau ar gyfer bob agwedd o'n gwaith, un maes yw cynyddu'r nifer o grwpiau sy'n ymaleodi â ni fel mudiad - rydym yn hynod falch mai grwp ynglwm â phlant ifanc yw ein 200fed grwp.
Edrychwn ymlaen i'r garreg filltir nesaf sef ymaelodi ein 225fed grwp".

Cynllun Grantiau Enfys

Rheolir y cynllun hwn gan Cyngor Gweithredu Gwirfoddol Cymru (CGGC) mewn
partneriaeth ag Ymddiriedolaeth y Tywysog, Amgylchedd Cymru ag Asiantaeth yr
Amgylchedd.
Bwriad y cynllun yw darparu cyllid i wella ansawdd a nifer y caeau chwarae yng Nghymru a sefydlu prosiectau wedi eu lleoli yn y gymuned, yn cyfrannu at ddatblygiad cynaliadwy.

Mae cefnogaeth ar gael i fudiadau yn y sector gwirfoddol, cyhoeddus a phreifat a
phartneriaethau sy'n sefydlu prosiectau wedi eu lleoli yn y gymuned.
Mae yna dri categori o grantiau:
" Mae grantiau hyd at £5, 000 ar gael ar gyfer gweithgareddau fel astudiaethau dichonoldeb neu sefydlu partneriaethau.
" Ceir grantiau o £25,000 ar gyfer cynlluniau cymunedol a fydd yn galluogi cymunedau o dan anfantais yn arbennig, i ddatblygu prosiectau ar raddfa fawr.
" Ceir hefyd grantiau o hyd at £100,000 ar gyfer prosiectau mawr sy'n dangos gwir bartneriaeth rhwng mudiadau cyhoeddus, preifat a gwirfoddol.

Y dyddiadau cau ar gyfer ffurflenni cais yn 2002 yw 15 Mawrth, 14 Mehefin a 13 Medi 2002. Er hynny, gellir derbyn ffurflenni cais ar unrhyw bryd; bydd y rheiny sy'n cael eu
derbyn ar ôl y dyddiad cau yn cael eu asesu yn y cyfarfod nesaf.

Am ragor o wybodaeth am gynllun Enfys, cysylltwch â Mair Roberts yn CGGC
Bae Colwyn ar neu ebost . I dderbyn ffurflen gais a nodiadau arweiniol, ffoniwch neu ebost

Etholiad ar gyfer y Pwyllgor Cyswllt - Cytundeb Compact rhwng Cyngor Sir Ynys Môn a'r sector gwirfoddol / cymunedol. Dyma'r 5 enw a ddewiswyd gennych i gynrychiioli'r sector ar y pwyllgor uchod yn nhrefn yr wyddor.
Diolchwn i bawb am eu diddordeb a'u parodrwydd i gyflwyno'u henwau am ystyriaeth.

JEAN BAKER - Cymdeithas Ddinesig Porthaethwy.
DI BUSHELL - Canolfan Cynghori Ynys Môn.
TREFOR EDWARDS - Grwp Cynnal Dioddefwyr Ynys Môn / Gwynedd.
ANN JONES - Grwp Soroptimists
TONY PRITCHARD - Grwp Access Ynys Môn.

Dymunwn ddiolch i'r unigolion am eu diddordeb, a'u parodrwydd i roi eu henwau am ystyriaeth - gwerthfawrogir eich cefnogaeth yn fawr iawn.

Cyngor Gweithredu Gwirfoddol Cymru - Cynllun Grantiau Iechyd Meddwl Lleol
Cynllun Grantiau Bach 2002/2003.
Gwahoddir ceisiadau dan y cynllun grantiau bach newydd hwn. Pwrpas y cynllun yw
cefnogi ac ategu cyfraniad y sector gwirfoddol tuag at y gofal a roddir i bobl sy'n wynebu problemau iechyd meddwl, a'u teuluoedd a'u gofalwyr yng Nghymru. Anelir y cynllun yn bennaf at grwpiau a mudiadau nad ydynt ar hyn o bryd yn derbyn nawdd gan y cynllun Grantiau Iechyd Meddwl Lleol cyfredol. Mae'r cynllun yn agored am un flwyddyn yn unig, gyda grantiau o hyd at £30,000 ar gael ar gyfer prosiectau sy'n dangos buddiannau
cynaliadwy na fydd ag angen unrhyw gyllid ychwanegol i'r dyfodol.

Mae'r cynllun yn agored i fudiadau gwirfoddol â chyfansoddiad. Mae croeso arbennig i
geisiadau gan grwpiau o leiafrifoedd ethnig sy'n delio â materion iechyd meddwl.

Am fwy o wybodaeth - Andrew Owen, Asesydd Grantiau CGGC ar .

Cyfleon Chwarae

Am unrhyw wybodaeth i ariannu gweithgareddau chwarae cysylltwch â Robyn Hughes ar neu .

Cynhelir cwrs Tai Chi i rai'n dioddef ag arthritis, yng Nghanolfan Hamdden Plas Arthur, Llangefni o
20fed Ebrill am 10 wythnos. Cynghorir rhai â diddordeb i gysylltu'n fuan, lle i nifer cyfyngedig.
Bydd arddangosfa a chyflwyniad am ddim yn cymryd lle ar 2il o Fawrth - y lleoliad i'w benderfynu, gweler y wasg leol am fwy o wybodaeth yn nes at y dyddiad.
Unrhyw ymholiad i Rowena neu Philip Mansfield ar neu www.cambriandragon.co.uk

Rheolaeth Busnes

Pwysleisir mai yn elfennol â chyffredinol y cyflwynir yr uchod ran dull. Mae wedi ei anelu i roi tros olwg o'r materion rheolaethol gwahanol er mwyn rhoi digon o wybodaeth i rai sy'n cymryd rhan i ddatblygu ac astudio'n bellach. Cynnwys y cwrs yn delio a mathau gwahanol o strwythurau mudiadau, dulliau rheoli gwahanol, gwneud penderfyniadau, pwysigrwydd
cyfathrebu, rheolaeth sy'n newid, a rheolaeth sustemau gwybodaeth.
Dydd Mawrth 9fed Ebrill, 2002 - 10.00am - 4.00pm
yn Ystafell Bwyllgor 1, Swyddfeydd Cyngor Sir Ynys Mon, Llangefni
Mae'r cwrs yn achrededig, darperir cinio a'r gost fydd £12.50.
(Gweler y slip gwyrdd amgaeedig).

Mudiadau Gwirfoddol a'r Gyfraith

Mae'r cwrs yn datblygu ymwybyddiaeth o sawl deddfwriaeth, sy'n berthnasol i Fudiadau Gwirfoddol. Mae'n cynnwys cyfleon cyfartal, Iechyd a Diogelwch, cyflogaeth, anabledd, rheolaeth gyllidol ac atebolrwydd.
Mae'r rhaglen yn cynnwys cyfansoddiadau a'r rheswm dros gael un, a mathau gwahanol o statws cyfreithiol.

Annogir cyfrannogwyr i edrych ar fathau gwahanol o ddeddfwriaeth yn berthnasol i'w mudiad eu hunian, a'r oblygiadau i'w (g)waith.

Dydd Mawrth, 19eg Chwefror, 2002, 10.00 am - 4.00 pm.
(Gweler y slip amgaeedig yn gynwysiedig efo Dan Do 28). Rhai lleoedd ar ôl.
Cysylltwch a ni ar os a diddordeb.

Cynllun gwobrwyo Cenedlaethol yw Cysylltiadau Cymunedol BT

Mae gwobrwyon o dros £1 miliwn o gyfrifiaduron wedi eu cysylltu â'r we
ar gael i unigolion/grwpiau er mwyn gwneud argraff yn eu cymunedau.

Os dymunwch gael eich ystyried am y wobr uchod, cysylltwch a:

Cysylltiadau Cymunedol BT, PO Box 30775, Llundain, WC1B 4QE.
Ffacs: We: www.btcommunityconnections.com
E-bost:

Cynghorydd Cyllid Ewropeaidd newydd ym Mae Colwyn

Denni Turp ydw i, yn gweithio efo CGGC (Cyngor Gweithredu Gwirfoddol Cymru) fel Cynghorydd Cronfa Ewropeaidd. Rwyf newydd ddechrau yn y swydd y llynedd, ac mae gennyf swyddfa ym Mae Colwyn ond yn gweithio dros Fôn, Dinbych, Gwynedd a Chonwy.

"Beth ydy rôl Cynghorydd Cronfa Ewropeaidd?" gofynnwch. "Wel, a dweud y gwir, mae'n dibynnu ar beth ydych chi eisiau, ar beth sydd angen ei wneud i'ch helpu chi efo Amcan 1. Efallai buasai'n well i mi esbonio beth rwyf yn ei wneud.

Eleni, cafodd CGGC arian Ewropeaidd er mwyn rhoi cyngor, cymorth a hyfforddiant i'r sector ynglyn ag Amcan 1. Felly, dyna ydw i'n gynnig-cyngor, cymorth a hyfforddiant i chi yn y Gogledd. Wrth gwrs, mae yna gymorth gan Medrwn Môn, sydd yn cynnig gwasanaethau cynnal eang, neu drwy'r Partneriaeth Amcan 1 gan Swyddogion Ewropeaidd y Cyngor-ond dim ond helpu'r sector gwirfoddol efo Amcan 1 yw fy rol i, a gobeithiaf wneud hynny gan gydweithio â Medrwn Môn.

Yn fy swydd ddiwethaf, roeddwn i'n gweithio mewn rôl debyg efo Amcan 2 ac Amcan 3, a chyn hynny, efo mudiad hyfforddi gwirfoddol lle'r oedd gen i gyfrifoldeb am wneud ceisiadau i gronfeydd, gan gynnwys rhai Ewropeaidd, felly gobeithiaf, erbyn heddiw fod gen i dipyn o syniad sut mae pethau yn mynd efo Amcanion Ewropeaidd! Mae gan CGGC bethau newydd eraill i'ch helpu chi: bydd yna safle we Amcan 1 ar gael erbyn canol mis Chwefror a hefyd llinell ffôn arbennig.

Yn y dyfodol agos, rydw i'n mynd i ddechrau cynnig sesiynau hyfforddi Amcan 1 (yn rhad ac am ddim, wrth gwrs). Gallwch gysylltu â mi gyda'ch syniadau neu gwestiynau Amcan 1 ar neu drwy e-bost .

Cronfa Aspects of Life

Mae'r gronfa uchod yn cefnogi elusennau lleol, cenedlaethol, a byd eang.
Prif feysydd a gefnogir yn cynnwys:
Amgylchedd - Gwarchod a Diogelu yr Amgylchedd, ei gynefin, ei fywyd gwyllt, a'i
adnoddau.
Anabledd - cyfarfod anghenion pobl anabl, efo pwyslais i'w helpu i wella eu safon o fyw.
Dan anfantais economaidd - cyfarfod anghenion pobl dan anfantais economaidd, efo pwyslais ar eu helpu i fod yn hunan gynhaliol.
Plant - Hyrwyddo datblygiad iach a chadarnhaol plant dan oedran 16.
Lles Anifeiliaid - Gwarchod anifeiliaid gwyllt a dof, gan gynnwys addysgu pobl i ofalu'n deg am anifeiliaid.

Fe ddosberthir cyllid i fyny at £5,000. Dyddiad cau: Ystyrir ceisiadau 4 gwaith y flwyddyn.
Dylai ymgeiswyr sydd yn cyfarfod meini prawf y gronfa roi cynigion sy'n cynnwys:
Proffil o'r Mudiad - disgrifiad o'r mudiad sy'n gwneud cais am arian, ei hanes, ei bwrpas, a datganiad o fwriad.
Disgrifiad o'r prosiect - Amlinelliad byr o'r rhaglen neu'r prosiect i'w gyllido, amserlen, cyllid ei angen, ac i ba bwrpas.
Y Broses Arfarnu - disgrifiad o sut y mesurir ac arfarnir y cynllun.
Nodwch rif elusen y mudiad sy'n ymgeisio am gyllid, Adroddiad Blynyddol a Chyfrifon
diweddaraf y mudiad.

Os â diddordeb cysylltwch â:
Cronfa Aspects of Life, Aspect Telecommunications Ltd, 2, The Square, Stockley Park, Uxbridge, UB11 1AD.

STAFF MEDRWN MON

Swyddog Datblygu Gwybodaeth - cyfrifoldebau yn cynnwys Hyfforddi a golygu Dan Do Môn. Cefndir o weithio efo grwpiau gwirfoddol ers dros 20 mlynedd, ar hyn o bryd yn aelod o Tai Eryri - Pwyllgor Rhanbarth Môn a Bwrdd Rheoli Dawns i Bawb. Cynghorydd Sir dros ardal Moelfre ers 1988 - wedi cydweithio'n lleol efo Age Concern a Choleg Menai.

Cynorthwy-ydd Gweinyddol rhan amser. Clerc i lywodraethwyr Ysgol Corn Hir, Llangefni. Yn wreiddiol o Ben Llyn ac yn byw ar yr ynys ers dros
12 mlynedd. Dyletswyddau'n cynnwys cynorthwyo holl staff. Wedi gweinyddu'r cynllun grantiau i blant dan 8 oed ac yn gyfrifol am gyhoeddi Newyddlen Benllech a helpu i olygu Dan Do Môn.

Swyddog Uned Defnyddwyr - ers Awst 1999. Cyfrifol am agweddau o ofal cymdeithasol a Iechyd o fewn y mudiad ac yn gyfrifol am ymchwilio'n
annibynnol i farn defnyddwyr yr Adran Gwasanaethau Cymdeithasol er mwyn bwydo i mewn i bolisïau a chynlluniau'r Adran. Ar hyn o bryd yn dilyn M.A. mewn Ymchwil a Pholisi Cymdeithasol ym Mhrifysgol Bangor.

Swyddog Datblygu Gwledig - Cychwynnodd gyda Gwasanaethau
Gwirfoddol Ynys Môn bron i 5 mlynedd yn ôl. Cyfrifoldebau yn cynnwys gweithio'n agos yn lleol gyda Neuaddau Pentref a rhai Partneriaethau lleol. Trysorydd i Bartneriaeth Ward Tudur, Llangefni. Yn gweinyddu cronfa
Mongallwn a hefyd yn cynorthwyo grwpiau i ddatblygu prosiectau a denu arian o wahanol ffynonellau.

Mari C Jones

Ffôn symudol am ddim i elusennau

Mae Carrick Communications yn rhoi sawl ffôn symudol
am ddim i elusennau drwy'r DU. Mae'r ffôn am ddim,
ac yn dod efo'r offer i adnewyddu'r batri. Mae'r llinell rhent
am ddim am 12 mis.

Am fwy o wybodaeth cysylltwch â Tom Hislop
Ffôn: neu Ffacs: .

Mae Gwobrau 'You Can Do It' B&Q yn cynnig gwerth
£100,000 i fudiadau lleol er mwyn adnewyddu adeiladau.

Dosberthir 20 grant gwerth £5,000 o ddeunydd i brosiectau cymunedol-mae unrhyw grwp elusennol yn gymwys i ymgeisio. Cysylltwch ar ôl 1af Chwefror, 2002 â'r rhif
neu ceir manylion ar safle wê: www.diy.com

Dyddiad cau i dderbyn ceisiadau yw Dydd Gwener, 22 Mawrth, 2002. Os yn
llwyddiannus byddai'n rhaid cwblhau'r gwaith adnewyddu erbyn 15 Medi, 2002.

Rhoi Plant yn Gyntaf gwefan newydd yn cael ei lansio Ionawr 2002.

Manylion llawn am holl agweddau'r Rhaglen Rhoi Plant yn Gyntaf, sy'n ceisio trawsnewid gwasanaethau cymdeithasol i blant yng Nghymru.

Bydd y safle hefyd yn fforwm i awdurdodau lleol a'r asiantaethau sy'n bartneriaid iddynt gyfnewid gwybodaeth am yr arferion da sy'n digwydd dan faner Rhoi Plant yn
Gyntaf. Ewch i'r wefan: plantyngyntaf.cymru.gov.uk

Mae asiantaethau Gofal a Thrwsio yn bodoli i alluogi pobl hyn a phobl anabl a bregus sydd yn berchen ar eu tai i aros yn eu cartrefi eu hunain, o fewn eu cymunedau eu hunain ac i fyw mor annibynnol â phosibl, trwy welliant yn eu lefel o foethusrwydd, iechyd, a diogelwch.

Mae ymgyrch 'Cartref Diogel y Gaeaf yma' yn gynllun sy'n cael ei gyflwyno gan
Gofal a Thrwsio, lle gall pobl hyn, a phobl anabl ar draws Cymru edrych ymlaen am gartref mwy diogel y Gaeaf yma. Pob dydd mae o gwmpas 3 o bobl dros 65 yn marw fel canlyniad i syrthio yn eu cartref, ac mae 30 pellach yn cael anafiadau difrifol. Mae'r nifer yma yn
cynyddu'n sylweddol yn ystod misoedd y Gaeaf.

Cyhoeddwyd llyfryn gan Gofal a Thrwsio Cymru, ar gael ar hyn o bryd, yn rhoi
awgrymiadau am gartref diogel y gaeaf yma, o dan eu cynllun uchod.

Am fwy o wybodaeth cysylltwch â: Gofal a Thrwsio Cymru
Barbara Bell ar neu Sharon Mainwaring ar .

Gofal Piau Hi y Gaeaf Hwn - yw ymgyrch Cynulliad Cenedlaethol Cymru sy'n cael ei gefnogi gan fudiadau partner: 9 i gyd gan gynnwys Age Concern a Gofal a Thrwsio.

Lansiwyd Prosiect Ymgyrch Prydain Well 2002 Shell
Mae'n gynllun Prydain gyfan i adeiladu rhwydwaith o ddigwyddiadau datblygu cynaliadwy cymunedol lleol. Bydd grantiau bach ar gael i grwpiau / mudiadau lleol i'w galluogi i drefnu rhwydweithiau i rannu syniadau. Bydd rhaid i'r ymgeiswyr sicrhau lleoliad addas ar gyfer 30 i 50 o bobl. Mae Shell yn chwilio am leoliadau o'r fath ym mhob rhan o'r DU, ac os nad oes gennych un, gallech logi un.

Bydd grantiau ar gael ar gyfer digwyddiad diwrnod, disgwylir iddo barhau rhwng 10.30 a 4.30. Y syniad yw y dylai'r digwyddiad roi cyfle i arddangos y gwaith
datblygu cynaliadwy sy'n digwydd a bod yn gyfle i rwydweithio gyda grwpiau eraill.

Nid oes dyddiad cau, dosberthir yr arian fel y derbynnir ceisiadau, peidiwch ag oedi.
Am ragor o fanylion a phecyn cais, cysylltwch â 2002 Project Applications,
Shell Better Britian Campaign, King Edward House, 135a New Street, Birmingham B2 4QJ, ffôn , ar y we www.sbbc.co.uk/the2002project

Cynhelir Noson o Ganu Gwlad yng Nghanolfan Hamdden Amlwch nos Sadwrn,
Chwefror 16eg, 2002. - elw tuag at achosion da lleol i gychwyn am 7.30 p.m.
Artistiaid yn cynnwys John ac Alun, Iona ac Andy, Broc Môr, Haf Wyn ac eraill.
Tocynnau yn £3.00 ar gael gan Kerry ar Helen :
Tonfedd Eryri : . Anaddas i rai dan 15 oed.

Ydych chi'n grwp gwirfodol / cymunedol sydd yn darparu gwasanaethau ar gyfer pobl anabl, merched neu lleiafrifoedd ethnig?
Hoffech wella safon eich gwasanaeth? Hyrwyddo cyfraniad pobl anabl yn eich
cymdeithas? Darganfod cyfleoedd gweithio pellach? Gwella datblygiad personol eich gweithwyr a gwirfoddolwyr? Gwella eich mynediad i gyfleoedd ariannu?

Sefydlwyd menter y Learning Curve, â ariannu gan Scope a'r Undeb Ewropeaidd, i ddarparu hyfforddiant am ddim o'r ansawdd gorau i gwrdd ag anghenion grwpiau
gwirfoddol a chymunedol o gwmpas Cymru.

Bydd y prosiect yn darparu hyfforddiant mewn pynciau sydd yn berthnasol i'ch
cymdeithas mewn lleoliad sydd yn gyfleus i chwi. Bydd yr hyfforddiant am ddim a chynllunir yn arbennig i gwrdd ag anghenion eich cymdeithas.

Gellir cynnwys pynciau hyfforddiant fel:- Ymwybyddiaeth Anabledd - Cyfrifoldebau Ymddiriedolwyr - Cyfraith Cyflogi - Cysylltiadau Diwydiannol - Cyfleoedd Cyfartal -
Budd-daliadau - Medrau Cyfartal - Adeiladu Tim - Cadw Cofndion Medrau Iaith Cymraeg / Saesneg a mwy.
Am ragor o wybodaeth / ymholiadau, cysylltwch ag:
Esther Barnett / Amy Hogan, Y Lanfa, Ffordd y Sgwner, Caerdydd, CF10 4EU
Ffôn: Ebost:
Cynllun Grantiau Iechyd Meddwl Lleol
Enwebiadau i'r panel ymgynghorol grantiau

Mae CGGC yn chwilio am aelodau newydd ar gyfer ei banel ymgynghorol grantiau CGIMLl. Dyma gylch gorchwyl y panel:
" Sicrhau bod nodau ac amcanion y cynllun yn gyson gyda'r nodau a'r amcanion;
" Sicrhau bod gweithdrefnau'r cynllun yn gyson gyda'r nodau a'r amcanion;
" Gosod a monitro amserlenni y cytunwyd arnynt;
" Argymell cymeradwyaethau a dyraniadau grantiau;
" Derbyn adroddiadau monitro;
" Cymeradwyo adroddiadau a chyflwyniadau i Gynulliad Cenedlaethol Cymru;
" Sicrhau'r defnydd effeithiol o adnoddau.

Byddai CGGC yn hoffi derbyn enwebiadau gan unigolion sydd wedi cael profiad ym maes dyrannu grantiau ac sy'n meddu ar wybodaeth o faterion iechyd meddwl. Ni fyddai unigolion sydd â chysylltiad uniongyrchol gyda staff neu ymddiriedolwyr unrhyw fudiad sy'n ymgeisydd yn gymwys i wasanaethu ar y panel.

Cysylltwch ag Andrew Owen, Asesydd Grantiau, CGGC Ty Baltig, Sgwâr Mount Stuart, Caerdydd, CF10 5FH Ffôn:

Ymaelodi â Medrwn Mon - Amgaewn ffurflen aelodaeth gan ofyn yn garedig i grwpiau gwirfoddol / cymunedol ystyried ymaelodi â ni - os nad yn aelod yn barod.
Er ein bod yn gwasanaethu ac yn cynrychioli'r holl sector, disgwyliwn i grwpiau sydd yn derbyn gwasanaeth ystyried ymaelodi.
Bydd o fantais i ni fel mudiad wrth gyflwyno ystadegau nodi nifer dda o aelodau.

Ysgol Feithrin Gymraeg Benllech yw'r 200fed grwp i ymuno'n swyddogol â
Medrwn Môn - maent wedi eu lleoli yn Neuadd Goffa Goronwy Owen, Tynygongl yn darparu profiadau meithrin trwy gyfrwng y Gymraeg. Gan eu bod yn elusen gofrestredig mae'r ysgol feithrin yn dibynnu ar grantiau i'w chynnal.

O Glust i Glust - Mae Menter Môn, drwy y cynllun 'Cyfieithu yn y Gymuned' wedi cynhyrchu y llyfryn 'O Glust i Glust', mewn cydweithrediad â Chymdeithas Cyfieithwyr Cymru. Wrth ddefnyddio gwasanaeth cyfieithu ar y pryd, y nod yw i bawb allu cyfathrebu yn y Gymraeg a'r Saesneg heb iaith y siaradwyr greu unrhyw broblem. Mae llwyddiant cyfarfod yn dibynnu'n fawr ar y cyfieithydd a'r offer cyfieithu yn ogystal â chyfraniad swyddogion a phobl eraill. O ganlyniad, paratowyd y llyfryn uchod gyda'r bwriad o nodi'r gwahanol bethau y gall ddefnyddwyr wneud i sicrhau llwyddiant cyfarfod dwyieithog.

Mae 2 lyfryn ar gael, ac os hoffech unrhyw wybodaeth bellach am y Gwasanaeth Cyfieithu ar y Pryd, neu am gynnwys y llyfrynnau, cysylltwch â Sian ar neu drwy
e-bost:

Beth sydd ar gael gan Menter Môn i Gyrff Gwirfoddol?

" Yr Iaith a'r Gyfraith
Cymorth ar lunio Cynllun Iaith
Cyngor ar Ddeddf yr Iaith Gymraeg
Cymorth i gydymffurfio â Chynllun Iaith Cyngor Sir Ynys Môn

" Cyfieithu
Argymell cyfieithydd lleol
Trefnu gwaith cyfieithu ar eich cyfer
Trefnu i gyfieithu darnau byr am ddim e.e arwyddion, posteri
Trefnu gwasanaeth Cyfieithu ar y Pryd

" Cyrsiau ar yr Iaith Gymraeg
Cyngor ar gyrsiau addas
Trefnu cwrs penodol ar gyfer eich mudiad

" Adnoddau Ieithyddol
Megis meddalwedd cyfrifiadurol, cymorth wrth ysgrifennu
Rhoi cyngor ar adnoddau fyddai'n addas ar eich cyfer
Darparu'r adnoddau neu gyfeirio at gyflenwyr eraill

" Cymorth Ariannol
Rhoi cyngor a chymorth wrth lunio cais am grant
Enwebu ymgeisydd ar gyfer Gwobrau Busnes
Rhoi cyngor ar gynnwys dwyieithrwydd o fewn ceisiadau cyffredinol

Ailgylchu cetris inc

Os oes gan unrhyw un getris inc wedi eu defnyddio, buasai Resi Tomat yn falch iawn o'u cael. Bydd y cetris yn cael eu hailgylchu a bydd yn derbyn arian tuag at ei mudiad Farmers Markets.

Os oes gennych getris i'w hailgylchu cysylltwch â Resi ar neu e-bost: neu gallwch ddod â'ch cetris i swyddfa Medrwn Môn ac fe wnawn eu hanfon ymlaen i Resi.

1 Mawrth 2002 - Lansio
Cerdded Llwybr Iechyd
Ymunwch â nhw!

Am ragor o wybodaeth cysylltwch â
Roger Pierce - neu
Falmai Jones -