Mae'r cwrs wedi ei gynllunio i rai sy'n teimlo nad ydynt wedi cyrraedd eu llawn potensial ag angen help efo symud ymlaen. Bydd yn help i ddatblygu dealltwriaeth o gryfderau, efo pwyslais arbennig ar ysgogi a dysgu, dangosir sut i gyrraedd targedi, delio efo rhwystrau, a sut i werthu eich hun i eraill. Cynhelir y cwrs ar:
Dydd Mawrth, 16eg Hydref, 2001. 10.00 am - 4.00 pm (Gweler y slip piws amgaeedig)

Mae'r Ymddiriedolaeth newydd yma yn
gefnogol i elusennau sy'n ymwneud a:

Datblygu Cymunedau
Twristiaeth
Celf a Chyfleusterau Celfyddydol
Cadwraeth a'r Amgylchfyd
Hyfforddiant Addysgol a Chreu Swyddi
Plant a Phobl Ifanc.

Dyddiad cau nesaf 30 Medi a
31 Rhagfyr, 2001, i grantiau rhwng
£100 a £5,000.

Ceisiadau ysgrifenedig (dim mwy na dwy dudalen) i
Mrs H. Tautz - Ysgrifennydd Cynorthwyol, Ymddiriedolaeth Granada,
Stornoway House, 13 Cleveland Row, LLUNDAIN. SW1A 1GG

Ffôn: .
E-bost:

Mae'r elusen hon yn cefnogi maes sy'n aml yn ei chael yn anodd i ddenu grantiau, sef iechyd meddwl.
Dyma flaenoriaethau'r elusen:

Oedolion neu blant gydag anawsterau dysgu difrifol, ynghyd ag awtistiaeth.
Anhwylderau meddyliol sy'n effeithio ar oedolion, gan achosi anabledd
difrifol a pharhaol.

Noddir costau cyfalaf a refeniw prosiectau sy'n ymwneud ag iechyd meddwl,
anabledd a gofal, ac ar gyfer ariannu gwaith ymchwil.
Mae grantiau yn amrywio rhwng £250 ac £20,000, gan ddibynnu ar waith y prosiect, cyfanswm y swm sydd ei angen a ffynonellau nawdd eraill posib.

Ceir dau ddyddiad cau y flwyddyn, ar gyfer ceisiadau, 1 Mai ac 1 Hydref.

Mae gwybodaeth bellach ar gael gan:
Mr G R Mean, Ernest and Young,
400 Capability Green,
Luton, Beds. LU1 3LU.

Ffôn: Ffacs:.

Mae Barclays wedi neilltuo £1m o'i gyllideb gymunedol i helpu cymunedau cefn gwlad i oresgyn effeithiau clwy'r traed a'r genau, i gynorthwyo i ailadeiladu cymunedau lleol, trwy adfywio, denu incwm, swyddi, ymwelwyr a busnesau cynaliadwy yn ôl i'r ardal.
Mae'n rhaid i'r holl gynlluniau weddu gydag amcanion rhaglenni cymunedol Barclays, hefyd ni chaniateir iddynt fod yn wleidyddol na chrefyddol, nac yn brosiectau cyfalaf.
Mae'r meini prawf eraill fel a ganlyn:

• Dylai'r cynlluniau fod yn rhai dros y tymor canol, nid nawdd tymor byr
• Deillio o'r gymuned er lles y gymuned gyfan
• Gall cynlluniau eu hariannu gan Barclays, asiantaethau'r llywodraeth neu mudiadau gwirfoddol eraill ond nid sefydliadau ariannol eraill.

Gallai prosiectau gynnwys:

• Rhaglenni ail-hyfforddi ar gyfer ail-gyflogi
• Helpu busnesau sy'n bod eisoes i fod yn fwy llewyrchus
• Gweithgarwch amgylcheddol yn ymwneud ag arall gyfeirio - defnydd newydd o dir
• Rhannu gwybodaeth ac arferion da trwy rwydweithio - papur/ e-bost / safleoedd we
• Sefydlu gwyliau cymunedol neu atyniadau twristiaeth i ddenu ymwelwyr

Ystyrir ceisiadau am unrhyw swm, ond disgwylir y bydd rhan fwyaf o'r
ceisiadau rhwng £5,000 a £100,000

Dylid anfon ceisiadau am nawdd, ag unrhyw wybodaeth bellach at:
Angie Tymkow, Barclays Rural Regeneration Fund,
Barclays Community Affairs,
54 Lombard Street, Llundain. EC3P 3AH

Mae lle ar ôl i 3 ynghlwm efo grwpiau gwirfoddol / cymunedol ar y cwrs uchod a gynhelir ar gyfer Staff a Gwirfoddolwyr Medrwn Môn yn bennaf.

Dyddiad: 12 Hydref 2001 Lleoliad: Oriel Môn, Llangefni

Amser: 9.00 am - 5.00 pm Côst: £12.50

Os â diddordeb y cyntaf i'r felin i gysylltu â Medwyn Williams ar .

Nod Arian i Bawb Cymru yw:

Cefnogi gweithgareddau cymunedol - trwy helpu cymunedau i gyfarfod a'u hanghenion trwy weithredu gwirfoddol, prosiectau hunan-gymorth, cyfleusterau lleol neu ddigwyddiadau.

Yr hyn a olygir wrth 'gymunedau' yw pobl mewn ardal leol neu bobl sy'n rhannu'r un diddordebau neu anghenion.

Ehangu mynediad a chyfranogiad - trwy annog mwy o bobl i gymryd rhan mewn grwpiau a phrosiectau lleol, a thrwy gefnogi gweithgareddau sy'n agored ac ar gael i bawb sy'n dymuno cymryd rhan.

Gwella sgiliau a chreadigedd - trwy gefnogi gweithgareddau sy'n helpu i
ddatblygu pobl a mudiadau, gwella sgiliau a chodi safonau.

Gwella ansawdd bywyd - trwy gefnogi prosiectau lleol sy'n gwella cyfleon, lles neu amgylchedd pobl, yn enwedig y rhai mwyaf difreintiedig yn ein cymdeithas.

Grantiau rhwng £500 a £5,000, ac i'w gwario oddi fewn i'r flwyddyn.

Amodau arferol yn bodoli ynglyn â chael cyfrif banc, cyfansoddiad, amgáu cyfrifon ariannol diweddaraf, ayb.

Mae'n rhaid i chi ddangos sut bydd y gymuned gyfan yn elwa ar eich prosiect.

Am fwy o wybodaeth cysylltwch ag: Arian i Bawb Cymru,
2il Lawr, Ty Ladywell, Y Drenewydd, Powys, SY16 1JB. Ffon .

Ystafell 20, Hyfforddiant Môn
LLANGEFNI
Ynys Môn LL77 7JA
Ffôn:
Ffacs:

Hospis yn y Cartref - i gynorthwyo efo ymweliadau cartref, cludiant ayb yn y
Ganolfan Dydd yng Nghaergybi, Llun a Gwener, ac ar Ddydd Iau ym Miwmares.

Homestart - i gefnogi teuluoedd yn eu cartref efo plant dan 5 oed.

Marchogaeth i'r Anabl - angen gwirfoddolwyr ar frys i gynorthwyo efo oedolion a phlant ag anableddau dysgu ac / neu anableddau corfforol i farchogaeth ac / neu yrru ceffyl a thrap.

Canolfan Gynghori - angen gwirfoddolwyr i ymuno â'u tîm o gynghorwyr.
Car Linc Môn / Cynllun Tro Da- gyrwyr ar frys yn arbennig ym Miwmares,
Cemaes, Rhosneigr, a Phorthaethwy, yn ogystal â gwirfoddolwyr i helpu efo'r tasgau angenrheidiol fel siopa, ymweld, casglu presgripsiwn, lle nad oes unrhyw gludiant arall ar gael.

Gwasanaeth Prawf - i gynorthwyo yn Llys y Goron a Llys Ynadon.

Taran - i helpu pobl ag amrywiaeth o anableddau mewn sefyllfaoedd swyddfa a gweithgareddau cymdeithasol.

Y Samariaid - angen gwirfoddolwyr i roi gwybodaeth a chynghori.

BTCV Cymru - angen gwirfoddolwyr i gynorthwyo efo gwaith Gweinyddol Gwaith Cymunedol / Amgylcheddol, Gweithgareddau Tramor, a gwaith DIY Ymarferol.

Clybiau Bechgyn a Merched Cymru- i gynorthwyo efo Chwaraeon ac Adloniant.

RSPCA - angen gwirfoddolwyr i ymweld â chartrefi, yn ymwneud â chwn yn bennaf ar Ynys Môn. Rhoddir hyfforddiant.

Farmers Market Network -i helpu efo gwaith Gweinyddol / Swyddfa.

Ymddiriedolaeth Tyddyn Bach HIV - AIDS Canol breswyl dros dro- gwaith Gweinyddol / Swyddfa, Cynghori, Ymgyrchu a Lobio, Anableddau a Iechyd.

Groes Goch Brydeinig - i gynorthwyo efo gofalu, Siopau elusennol, Anableddau a Gofal, Gyrwyr, helpu'r henoed mewn Ysbytai a Hospis.

The Simon Community - i gynorthwyo efo gwaith Gweinyddol / Swyddfa, Cynghori, Ymgyrchu a Lobio, Anableddau a Iechyd, Gwaith Amgylcheddol.

Bangor Forest Garden Group - i gynorthwyo gwaith Gweinyddol

Gwirfoddolwyr y Mileniwm - gwobr gydnabyddedig i rai sy'n gwirfoddoli i oedran rhwng 16-24 oed. Peidiwch â methu allan.

Fel gwirfoddolwr fe ddylech gael eich digolledu am unrhyw gostau rhesymol, eich amser sy'n cael ei roi am ddim.

Gwahoddwn gynrychiolwyr o grwpiau gwirfoddol / cymunedol i'r cyfarfod, i gyflwyniadau ar:

• Gwybodaeth byr ynglyn ag ail-strwythuro y Cyngor Sir.
• Gwerth Gorau, a'i berthnasedd i'r sector gwirfoddol.
• Grantiau y Cyngor Sir i'r sector gwirfoddol / cymunedol.
• Unigolion allweddol a Cynllunio Cymunedol.

Am fwy o wybodaeth gweler y cylchlythyrau perthnasol yn y rhifyn yma o Dan Do.

Cyflwynwyd Gwobr Rhagoriaeth Gwaith Ieuenctid yng Nghymru am y tro cyntaf yn 1994 i roi cydnabyddiaeth genedlaethol o ymarferiad ansawdd gwaith
Ieuenctid. Hyrwyddir gan Cynulliad Cenedlaethol Cymru a gweinyddir gan Asiantaeth Ieuenctid Cymru. Mae'n gynllun gwobrwyo blynyddol a'i nod yw cydnabod talentau mudiadau ac unigolion o fewn y mudiadau sydd yn gweithio gyda ieuenctid - unai mewn prosiectau blaenorol neu waith cyfredol.

Gwahoddir ceisiadau gan fudiadau ieuenctid ar gyfer prosiect penodol neu ddarn o waith a ymgymerwyd fel rhan o raglen gwaith ieuenctid.

Mae'n rhaid i'r ceisiadau ddangos cydnabyddiaeth o ddatganiad Cwricwlwm Gwaith Ieuenctid i Gymru, sydd yn datgan y dylai cyfleon ar gyfer pobl ifanc fod yn addysgadwy, cyfrannogol, awdurdodol ac yn fynegiannol. Dylid disgrifio'n glir ar y ceisiadau manteision y gwaith i'r bobl ifanc, a'u rôl yn y prosiect. Croesawir cynigion o waith gwreiddiol neu arloesol.

Dylid manylu yn y ceisiadau ar y gwaith a gariwyd allan rhwng Medi 2000 a Medi 2001. Gall y gwaith fod am unrhyw gyfnod o amser ond mae'n rhaid iddo fod ynghlwm â phobl ifanc rhwng 13 a 19 oed.

Gellir cael ffurflenni cais gan:

Asiantaeth Ieuenctid Cymru
Leslie Court
Lôn y llyn
Caerffili
CF83 1BQ
Ffôn: .

Dylid anfon y ffurflenni cais erbyn Dydd Gwener 28 Medi 2001.

Hyd yma mae Cronfa Treftadaeth y Loteri wedi dyfarnu 6,907 o grantiau gwerth dros £1667 miliwn trwy'r DU. Cwblhawyd 1527 o brosiectau. Gellir cael gwybodaeth am Gronfa

Treftadaeth y Loteri ar eu wefan: www.hlf.org.uk

Ym Mai 2001 lansiwyd pecyn newydd a phroses newydd o ymgeisio a elwir "Eich Treftadaeth" i grantiau rhwng £5000 a £50000. Dylai'r broses o ymgeisio fod yn un haws ac o ganlyniad dylai penderfyniadau gael eu gwneud o fewn 3 mis o'ch cais.

Hefyd mae ffurflen cyn-gais ar gael sydd yn eich galluogi i gysylltu â'ch tîm rhanbarthol ac i drafod eich prosiect cyn penderfynu ymgeisio. Os hoffech dderbyn copi o'r pecyn cais newydd, neu un ar gyfer Rhaglen Prif Grantiau cysylltwch â llinell gyhoeddiad Cronfa Treftadaeth y Loteri, ar neu gellir ymweld â'u safle we.

Cyngor Gweithredu Gwirfoddol Cymru -
'Fflam i Wirfoddoli'
Blwyddyn Ryngwladol Gwirfoddolwyr 2001.

Dynodwyd Tachwedd fel mis Pobl hyn ym mlwyddyn Rhyngwladol Gwirfoddolwyr.
I ddathlu, mae Age Alliance Cymru mewn partneriaeth â mudiadau gwirfoddol yn
cydweithio efo ac ar ran pobl hyn yng Nghymru, yn gobeithio cario 'Fflam Gwirfoddoli' ar hyd a llêd Cymru yn anfon negeseuon positif ynglyn â manteision gwirfoddoli.

Bydd gwirfoddolwyr hyn yn danfon y neges i bob awdurdod lleol, yn defnyddio
amrywiaeth o gludiant - beiciwr, rhedwr, defnyddiwr cadair olwyn, cart a cheffyl.

Bydd uchafbwynt i'r digwyddiad efo'r neges yn cael ei gyflwyno i'r Cynulliad
Cenedlaethol, Dydd Llun, 5 Tachwedd, 2001.

Fe all gwirfoddolwyr weithredu fel negeswyr, neu fe allant fod yn rhan o'r pwyllgor croeso pan y danfonir y neges i'r Awdurdod Lleol yn eu hardal.

Dyddiad i'w glustnodi i'r dyddiadur yw: 29 ain Hydref, 2001, 10.00 am
yn Llangefni.

Am fwy o wybodaeth cysylltwch â Jennifer Rowlands at RSVP ar .

Edrychir ar rôl y cyfansoddiad i roi fframwaith i reolaeth a sefydlu amcanion eich mudiad, y cyfrifoldebau cyfreithiol o bwyllgorau rheoli, a rôl y prif swyddogion. Edrychir ar ymarferion da yn gysylltiedig â rheolaeth o gyfarfodydd yn cynnwys agenda a chofnodion, cyfathrebu rhwng pwyllgorau ag aelodau eich mudiad.

Cynhelir y cwrs ar:
Dydd Mawrth, 27ain o Dachwedd, 2001. 10.00 am - 4.00 pm

Mae'r cyrsiau yn achrededig, darperir cinio a'r gost fydd £12.50.
Cysylltwch â Medrwn Mon ar am fwy o fanylion am y cyrsiau uchod.

Sesiynau Gwybodaeth Polisi Medi 2001
Dydd Llun 17 Medi (Bae Colwyn)

• Gwybodaeth am bolisi cenedlaethol newydd sydd o ddiddoreb i fudiadau gwirfoddol;
• creu cyfle i fudiadau gwirfoddol lleol nodi materion polisi allweddol;

Yn ogystal â'r gweithdai gwybodaeth, bydd gwybodaeth ysgrifenedig ynghyd â'r newyddion diweddaraf ar faterion polisi amrywiol ar gael yn y digwyddiad hwn.

Rhaglen yn cynnwys gwybodaeth am Nawdd Ewropeaidd, Cynllun NHS, Cynllun Corfforaethol ELWa, Strategaethau Cymunedol a Rhoi Cymunedau'n Gyntaf, Adolygiad Iaith Gymraeg, Adolygiad y Cynulliad ar adfywio cymunedol, Materion Cefn Gwlad.

Bydd y diwrnod yn cychwyn am 10:20 am ac yn gorffen am 3:15 pm

Cost: Am ddim ond codir ffi o £5.00, na ellir ei ad-dalu, ar y rheini sydd eisiau cinio.

Os hoffech fanylion a ffurflen archebu, cysylltwch â Mirriam Nasrat,
CGGC, Ty Baltig, Sgwâr Mount Stuart, Caerdydd CF10 5FH,
Ffôn , e-bost

Mae Banc HSBC yng Nghymru a CEW wedi lansio'r Dyfarniadau Bwrsariaeth
Mentrau Cymunedol. Dyfernir y pedair bwrsariaeth o £1,000 i unigolion sy'n
gweithio ym maes adfywiad economaidd cymunedol yng Nghymru er mwyn eu
galluogi i ymweld â phrosiectau a busnesau tebyg i rwydweithio a chyfnewid arferion da.

Dylid gwneud cais ysgrifenedig ar ffurflen gais ynghyd â'r ffurflen amodau a chymhwyster.

Mae manylion ar gael oddi wrth Menter
Cymunedol Cymru.

Ffôn: .
E-bost:

Nod y cynllun grant newydd hwn yw helpu grwpiau cymunedol i feithrin eu sgiliau, hyder a'u gwybodaeth er mwyn iddynt allu gymryd rhan a
dylanwadu'n well yn eu cymunedau.

Grantiau o hyd at £250 (hyd at £500 ar
gyfer prosiect mentora) ar gael i:
Ymweld â phrosiectau ac
ardaloedd eraill
Cronfeydd i grwpiau gynnig croeso
Rhwydweithio a Mentora

Am fwy o wybodaeth cysylltwch â:
Jemma Ward, Asesydd Grantiau
CGGC, Bae Caerdydd
Ffôn:
Ffacs:
E-bost:

Cyhoeddwyd cynllun grantiau cyfalaf newydd ar gyfer atgyweirio a gwella neuaddau pentref / cymunedol fel conglfaen bywyd cymunedol.

Gweinyddir y cynllun gan Cyngor Gweithredu Gwirfoddol Cymru (CGGC), o dderbyn nawdd gan Cynulliad Cenedlaethol Cymru -£200,000 ar gael yn ystod y flwyddyn gyntaf. Ar y cychwyn bydd grantiau ar gael i 40 neuadd bentref / gymunedol, i brosiectau yn costio rhwng £5,000 ac £20,000 i fyny at 65% o holl gostau'r
prosiect. Mae'n rhaid i o leiaf 10% o'r costau ddod allan o gronfa'r ymgeiswyr, trwy godi arian lleol, neu trwy gyfraniad di-dâl gwirfoddolwyr, i ddangos cefnogaeth ac ymrwymiad lleol.

Y bwriad yw i gefnogi cynlluniau sy'n ddibynnol ar wirfoddolwyr i'w rhedeg a'u rheoli, i helpu neuaddau pentref / cymunedol presennol ar gyfer atgyweirio ar a gwella adeiladau ar raddfa fach, er mwyn cynnal gweithgareddau presennol, a'u helpu i ymateb i anghenion newydd yn eu cymunedau.

Gwahoddir ceisiadau gan fudiadau gwirfoddol sydd yn berchen ar les o leiaf 15
mlynedd, yn annibynnol o'r sectorau statudol, neu breifat, gyda statws cyfansoddiadol cyfreithiol.

Am fwy o wybodaeth cysylltwch â:
Eirian Jones (CGGC) 11-13 Wynnstay Road, Bae Colwyn, LL29 8NB
Ffôn: , Ffacs: . E-bost:

Rhaglen cyfnewid ieuenctid traws -ddiwylliannol yw y Wobr uchod sydd wedi ei threfnu gan GGT - Gwasanaeth Gwirfoddol Tramor ac Ymddiriedolaeth y Tywysog.

Yn Hydref bydd tîm o 18 o wirfoddolwyr ifanc, oedran 17-25 yn cyrraedd Bangor. Bydd y tîm wedi ei wneud i fyny o 9 o wirfoddolwyr o Nigeria a 9 o'r DU. Am 3 mis bydd pob pâr yn byw a gweithio efo teuluoedd lleol ar brosiect cymuned leol cyn mynd i ffwrdd i Nigeria i fyw a gweithio am 3 mis.

Mae Goruchwyliwr Prosiect Kate Tuck yn edrych am leoliadau addas a theuluoedd gwadd yn ardal Bangor neu'r cyffiniau i bob pâr.

Ad-delir costau a bydd y Goruchwiliwr Prosiect ar gael i ymholiadau.

Am wybodaeth bellach cysylltwch â Kate yn T Gwydr, 1 Rhes Trevelyan,
Bangor. Ffôn: neu e-bost

Cyngor Partneriaeth - Yn dilyn adrefniant a sefydlu y Cynulliad dros Gymru mabwysiadwyd 3 Cynllun gyda'r sector breifat, llywodraeth leol a'r sector gwirfoddol. Mae'r cynllun gwirfoddol yn sefydlu partneriaeth rhwng y Cynulliad a 15 maes arbennig e.e. cynghori, celf a diwylliant, gwirfoddoli, iechyd a gofal, tai. Cynhelir 2 gyfarfod y flwyddyn efo'r nesaf ym Mae Colwyn 19 Hydref 2001.

Am fwy o wybodaeth cysylltwch a CGGC ym Mae Colwyn ar .

John R Jones

Prif Swyddog Medrwn Môn. Cyn Brif Swyddog Gwasanaethau Gwirfoddol Ynys Môn ers 1997 a chyn hynny bu'n Gyfarwyddwr i Wasanaethau Gwirfoddol Gwynedd dros y 3 hen Sir
Gwynedd, Conwy ac Ynys Môn.

Corinna Jones

Cynorthwy-ydd Gweinyddol - yn cynorthwyo gyda 'Car Linc Mon' cynllun cludiant cymunedol yn cael ei redeg gan yrrwyr gwirfoddol yn galluogi pobl leol i wneud siwrnai angenrheidiol lle nad oes cludiant ar gael ac yn gweinyddu 'Cynllun Tro Da' mewn gwahanol gymunedau yn cynnig cymorth gyda siopa, cludiant ayb.

Gary Williams

Cydlynydd gyda 'Cynllun Tro Da' prosiect allanol yn Amlwch a Benllech - cynnig cefnogaeth gydag anghenion sylfaenol siopa, ymweld ayb. Cydlynu a gweinyddu 'Cynllun Tro Da' o'r swyddfa a threfnu gwirfoddolwyr i gynorthwyo gyda'r holl gynlluniau Tro Da.

Mae Celfyddydau Gwirfoddol Cymru yn asiantaeth datblygu i'r celfyddydau
gwirfoddol ac yn darparu gwybodaeth, cefnogaeth ac hyfforddiant am ddim i fudiadau a grwpiau celfyddydol yn y gymuned. Mae arian newydd wedi caniatau yr asiantaeth i ddatblygu eu tim a'u gwasanaethau yng Nghymru.

Mae Alys Lloyd Jones wedi'i phenodi fel Swyddog Datblygu Gogledd Cymru ac felly'n berson cyswllt i Ynys Môn. Mae Alys yn edrych ymlaen i glywed oddi wrth grwpiau a mudiadau sy'n helpu pobl i gymryd rhan yn y celfyddydau yn
cynnwys grwpiau cerddoriaeth, drama, dawns, llenyddiaeth, crefft, corau ayb.
Os ydych eisiau gwybodaeth a chefnogaeth gyda chodi arian, cynlluniau busnes, marchnata neu sut i ddatblygu eich mudiad, cysylltwch a'r swyddfa yn y Trallwng.

Mae CGC hefyd gyda rhaglen hyfforddiant ar gyfer yr Hydref am ddim i drefnwyr celfyddydau gwirfoddol a chymunedol, ac yn cynnwys sesiynau ar weithio'n ddwyieithog, a chodi ymwybyddiaeth ar ddiogelwch plant.

Am fwy o wybodaeth cysylltwch â

Carol Owen Swyddog Hyfforddiant ar
neu Swyddfa yn y Trallwng ar
Am ragor o wybodaeth cysylltwch ag
Alys Lloyd Jones ar

Cyflwyniad i chwarae yn y gymuned
Cwrs 10 wythnos i unrhyw un fyddai'n hoffi gweithio gyda phlant drwy gyfrwng chwarae. (Mae'r cwrs yn achrededig gan gynllun Rhwydwaith y Coleg Agored). Bydd y cwrs yn cynnwys:
Agweddau o chwarae (oedran 5-15) - Ymrwymiad a rheolaeth gymunedol - Prosiect ymarferol.
Os â diddordeb cysylltwch â Robyn Hughes yn Medrwn Môn ar cyn 01/10/2001.