Cylchlythyr i fudiadau gwirfoddol Ynys Môn

Medrwn Môn

Yr ydych yn ymwybodol o'r trafodaethau rhwng Gwasanaethau Gwirfoddol Ynys Môn a Biwro Gwirfoddolwyr Ynys Môn i greu mudiad newydd, a enwir yn Medrwn Môn. Bydd yn cwmpasu holl wasanaethau a gweithgareddau a gyflawnwyd gan y ddau fudiad yn y gorffennol, a bydd yn ymateb i anghenion gwirfoddolwyr, y sector gwirfoddol a chymunedol yn y dyfodol.

Elusen wedi'i gofrestru fydd y mudiad newydd ynghyd â chwmni cyfyngedig drwy warant . Mae copi o'r Memorandwm ac Erthyglau ynghyd ag amcanion a gwerthoedd y mudiad ar gael o'r swyddfa.

Mudiad aelodaeth fydd Medrwn Môn a reolir gan 20 o gynrychiolwyr y sector sy'n cynnwys 4 sedd i wirfoddolwyr. Os nad ydych yn aelod o GGYM neu BGYM ar hyn o bryd, cwblhewch y ffurflen aelodaeth amgaeëdig a'i ddychwelyd i'r swyddfa erbyn 12 Chwefror 2001. Byddwch wedyn gyda'r hawl i enwebu cynrychiolydd i eistedd ar y Bwrdd Rheoli newydd.

I sicrhau bod y corff newydd yn ymateb i anghenion y sector mae holiadur wedi ei amgáu a byddwn yn ddiolchgar os cymerwch ychydig funudau i'w lenwi a'i ddychwelyd i'r swyddfa. Hefyd cynhelir cyfarfod agored yn Oriel Môn Nos Fawrth 20 Chwefror 2001 am 7 p.m. i drafod y datblygiad cyffrous yma ac i geisio ymateb i unrhyw gwestiwn neu dderbyn unrhyw sylwadau.Gobeithio bod modd i chwi ymuno â Medrwn Môn drwy lenwi'r ffurflen aelodaeth amgaeëdig.

Tony Pritchard Cadeirydd GGYM - Ann Jones Cadeirydd BGYM

Newyddion WEFO - Welsh European Funding Office / Swyddfa Cyllid Ewropeaidd Cymru.

Amcan 1: Prosiectau Carlam wedi eu cymeradwyo.

Mae'r pecyn cyntaf o 30 prosiect gwerth £38.8 miliwn a gyllidwyd o dan raglen Amcan 1 wedi ei gymeradwyo.

Mae'r canlynol wedi eu cymeradwyo unai o dan Gronfa Gymdeithasol Ewropeaidd (ESF) neu Cronfa Ddatblygu Rhanbarthol Ewropeaidd (ERDF) 'Prosiectau Carlam'.
Cyngor Sir Ynys Môn. Prentisiaeth ar y cyd Môn. £ 9,082.
Cyngor Sir Ynys Môn. Mônfenter. £216,000.
WEA Gogledd Cymru. Meithrin Galluoedd ar gyfer Cymunedau. £620,254.
Gwasanaethau Gwirfoddol Meithrin Galluoedd i grwpiau gwirfoddol
Ynys Môn a chymunedol £ 39,930.
Mae dros 800 o geisiadau yn cael eu gwerthuso ar hyn o bryd. Dyfarnwyd £6.2 miliwn o'r Gronfa Adfywio Lleol yn arian cyfatebol i brosiectau llwyddiannus Amcan 1.

N E W Y D D I O N

Cynlluniau Grantiau Cyngor Gweithredu Gwirfoddol Cymru

Mae CGGC yn rheoli amrediad o gynlluniau grantiau sy'n cefnogi mudiadau gwirfoddol lleol ledled Cymru, gyda nawdd gan ymddiriedolaethau elusennol. Comisiwn y Mileniwm a Chynulliad Cenedlaethol Cymru; yn eu plith y mae'r canlynol;

Y Gronfa Gwirfoddoli yng Nghymru - sefydlwyd gyda nawdd gan Gynulliad Cenedlaethol Cymru. Gall y cynllun yma ddarparu grantiau o hyd at £25,000. Cefnogir prosiectau lle y cyflawnir y nodau yn bennaf gan wirfoddolwyr, sy'n recriwtio ac yn lleoli gwirfoddolwyr, sy'n datblygu ymarfer da mewn gwirfoddoli, neu sy'n hybu gweithgareddau mewn ardaloedd lle nad yw gwirfoddoli mor gryf.
Mae Grantiau Bach Cyffredinol yn rhaglen lle mae grantiau o hyd at £500 ar gael i elusennau lleol yng Nghymru sy'n ymwneud yn bennaf â lles cymdeithasol, ond heb eithrio mudiadau sy'n ymwneud â'r celfyddydau a'r amgylchedd. Mae'r cynllun yn cefnogi elusennau cofrestredig sydd, o bosib, yn ei chael hi'n anodd sicrhau nawdd o ffynonellau eraill.
Gweinyddir Arwain Gwobrau'r Mileniwm gan CGGC, ar ran Cynulliad Cenedlaethol Cymru a Chomisiwn y Mileniwm. Mae grantiau o hyd at £2,500 yr un ar gael i gefnogi gwirfoddolwyr ar brosiect neu raglen weithgareddau sy'n eu helpu i ddatblygu eu sgiliau a'u galluoedd yn ogystal â dwyn manteision i lywodraeth leol.
Cyfalaf Risg Gymdeithasol - mae hon yn rhaglen grantiau bach a ariennir o Gynlluniau Amcan 1 a 3 Ewrop. Bydd y cynllun hwn yn darparu grantiau bach i grwpiau gwirfoddol lleol er mwyn datblygu prosiectau sy'n brwydro yn erbyn eithrio cymdeithasol ac yn cyfrannu i adfywio lleol. Nod y cynllun fydd rhoi modd i grwpiau lleol cael mynediad yn syml ac yn sydyn ar arian sydd at gael gan Gronfa Gymdeithasol Ewrop.

Cewch grynodeb o'r holl gynlluniau a manylion am bersonau cyswllt, mewn dalen
wybodaeth a ddiweddarwyd, sef Cynlluniau Grantiau B4 CGGC.

Mae CGGC hefyd wedi diweddaru eu dalen wybodaeth B1 - Ymddiriedolaethau Elusennol a Leolir yng Nghymru. Mae hon yn rhoi manylion am ymddiriedolaethau sy'n rhoi grantiau i fudiadau gwirfoddol (nid fel arfer i unigolion), ac sydd wedi'u lleoli yng Nghymru, sydd â chysylltiad arbennig â Chymru neu sy'n nodi Cymru neu rannau o Gymru yn yr ardal lle y maent yn dosbarthu grantiau.
Cysylltwch, os gwelwch yn dda, â Wendy Gilbert ar er mwyn cael copiau o'r dalennau gwybodaeth a grybwyllir uchod.

Trefnir diwrnod gwybodaeth cyllid i grwpiau gwirfoddol Ynys Môn ar ddydd Gwener, 16eg Chwefror, 2001 am 10.30 am i 12.30 pm yn Oriel Môn, Llangefni yn ymwneud â'r grantiau uchod. Gweler y daflen amgaeëdig yn Dan Do Môn.

Penodi'r Comisiynydd Plant cyntaf yng Nghymru

Cyhoeddodd y Cynulliad Cenedlaethol i Peter Clarke Cyfarwyddwr Childline Cymru / Wales, gael ei benodi fel y Comisiynydd Plant cyntaf dros Gymru. Ganwyd yn
Llandudno, mae ganddo gymhwyster fel gweithiwr cymdeithasol ac mae'n aelod o
bwyllgorau rheoli nifer o fudiadau gwirfoddol ym meysydd plant a iechyd meddwl a
hefyd yn aelod o Bwyllgor Apeliadau ymgyrch Plant Mewn Angen y BBC.

Dywedodd y Gweinidog Iechyd Jane Hutt "Mae Cymru ar y blaen yn y DU trwy roi lle blaenllaw i hawliau ac anghenion ein plant a'n pobl ifanc".

Disgwylir i rôl y Comisiynydd ehangu trwy ymestyn pwerau'r Comisiynydd Plant i gwmpasu amrediad eang o feysydd, megis y gwasanaeth iechyd ac ysgolion yng Nghymru.

H Y F F O R D D I A N T

Mudiadau Gwirfoddol a'r Gyfraith.

Mae'r Cwrs yma yn codi ymwybyddiaeth o amrediad Deddfwriaeth, fydd yn berthnasol i Fudiadau Gwirfoddol. Yn cynnwys cyfleon cyfartal, Iechyd a Diogelwch, cyflogaeth,
anableddau, rheolaeth ariannol ac
atebolrwydd.

Mae'r Cwrs yn cynnwys cyfansoddiadau a'r rhesymau dros eu cael, a mathau gwahanol o statws cyfreithiol.

Yn ogystal anogir rhai ar y Cwrs i edrych ar fathau gwahanol o ddeddfwriaeth yn
berthnasol i'w mudiad nhw a'r cysylltiad
a'u gwaith personol.

Cynhelir y Cwrs ar:

Dydd Mawrth, 20ed Mawrth, 2001 yn Ystafell Gynhadledd 16 Adran Tai, Swyddfeydd Cyngor Sir Ynys Môn.

Mae'r Cwrs yn achrededig, darperir cinio, a'r gost fydd £12.50.

Dyddiadau Hyfforddi eraill ar gyfer 2001:

Cyllid - 26ain Mehefin, 2001.

Digwyddiadau - 18ed Medi, 2001.
A Gweithgareddau
Os oes gennych awgrymiadau ar
anghenion Hyfforddiant / Seminarau gwybodaeth i'r dyfodol cysylltwch â ni ar .

DEFFRWCH I WEFAN GYDOL OES NEWYDD

Gwahoddir chi gan staff NIACE Dysgu Cymru i ymweld a'u gwefan newydd
www.niacedysgucymru.org.uk

Dewch o hyd i'r wybodaeth ddiweddaraf am
Hyrwyddo digwyddiadau
Cyrsiau a Chynadleddau
Papurau Ymchwil

Trefnir archwiliadau i Feysydd Chwarae gyda Tony Chilton, Dydd Iau 8/03/01 am 11.00am - 5.00pm yn Neuadd Bentref Caergeiliog neu Dydd Sadwrn 10/03/01 9.00am - 3.00pm yn Neuadd Gymuned Bodffordd . Cysylltwch â Robyn yn GGYM

Cyhoeddusrwydd a Marchnata.

Bydd y cwrs yma yn annog y rhai sy'n cymryd rhan i gymharu amcanion cyffredinol eu mudiad efo'i ddelwedd i'r cyhoedd, ac edrych ar ffyrdd o ddod â'r ddau yn nes at eu gilydd.

Yn cynnwys strategau marchnata gwahanol a sut i dargedu grwpiau pendant, ac adnabod cysylltiadau perthnasol o'r wasg a'r cyfryngau darlledu.

Cewch weld sut i baratoi deunydd cyhoeddusrwydd perthnasol i bwrpas penodol, fel ysgrifennu datganiad effeithiol i'r wasg.

Cynhelir y Cwrs ar:

Dydd Mawrth, 15ed Mai 2001 yn Ystafell Bwyllgor 1, Swyddfeydd Cyngor Sir Ynys Môn.

Mae'r Cwrs yn achrededig, darperir cinio, a'r gost fydd £12.50.

Medrau Allweddol ar gyfer Busnesau Lleol

Cynhelir cwrs rhan-amser newydd ar gyfer rhai sydd eisiau cyrraedd lefelau newydd yn eu gwaith neu ddilyn gyrfa ym myd busnes. Mae'r cwrs yn un hyblyg iawn. Gellir astudio ychydig unedau yn unig neu weithio tuag at gael cymhwyster llawn - sef Gradd mewn Busnes gyda Datblygiad Rhanbarthol. Gall rhai unedau fod ar gael ar-lein hyd yn oed.

Datblygwyd y cwrs drwy Brifysgol Cymuned Gogledd Cymru ac mae ar gael ar hyn o bryd ym Mhrifysgol Cymru, Bangor.
Am fwy o fanylion cysylltwch â:
Prifysgol Gymuned Gogledd Cymru,
d/o Canolfan Addysg Barhaol.
Prifysgol Cymru Bangor, Stryd y Deon,
Bangor, Gwynedd. LL57 1UT
Ffôn: Ffacs:

Ffoadur am Ddiwrnod!

I godi ymwybyddiaeth ynglyn â'r caledi sy'n wynebu ffoaduriaid wrth geisio croesi'r ffin i fan diogel, mae Cymdeithas Cenhedloedd Unedig Cymru yn westywyr i ddigwyddiad ar Fehefin 20fed 2001 fydd yn annog cyfranogwyr i wneud taith noddedig o'u cartref i 'wersyll ffoaduriaid' yng nghanolbarth Cymru.
Ffoadur am Ddiwrnod! fydd Diwrnod Ffoaduriaid Byd-eang cyntaf yn hanes
hanner can mlynedd asiantaeth ffoaduriaid neu rai sydd wedi eu dadleoli yn
fyd-eang.

Bydd Ffoadur am Ddiwrnod! yn gyfle i roi cymorth ymarferol i ffoaduriaid yn
ogystal â darparu fforwm i edrych ar faterion, sydd efallai'n peri pryder i'ch mudiad, megis y plant sy'n ffoaduriaid, hawliau dynol,
ffoaduriaid sy'n ferched, noddfa neu atal gwrthdaro.

Os hoffech gefnogi Diwrnod Ffoaduriaid Byd-eang ar Fehefin 20fed, 2001 drwy unai:

Ymuno â'r daith, neu noddi eraill i gerdded
Helpu i drefnu gweithgaredd lleol i godi ymwybyddiaeth a dealltwriaeth ynglyn â materion ffoaduriaid.

Yna ffoniwch Helen ar Cymdeithas Cenhedloedd Unedig Cymru neu Karen ar Cyngor Ffoaduriaid Cymru, i ofyn am becyn gwybodaeth.

Clymblaid Genedlaethol Merched Cymru

Pwy ydym ni?

Sefydlwyd yn 1997. Mae Clymblaid Cenedlaethol Merched Cymru (WWNC) yn bartneriaeth o sefydliadau merched yng Nghymru.

Beth ydym yn ei wneud? Yn cynnwys

Hyrwyddo dealltwriaeth a chydweithredu rhwng sefydliadau gwirfoddol merched yng Nghymru.
Nodi effaith yr hyn sy'n digwydd ar lefel Ewrop a chenedlaethol ar ferched yng Nghymru.
Hyrwyddo cyfranogiad merched yng Nghymru ar bob lefel o wneud penderfyniadau.

Yr ydym wedi derbyn arian gan y Cynulliad Cenedlaethol i ymgynghori â merched a'u sefydliadau yng Nghymru.

Mae aelodaeth o'r Glymblaid yn agored i sefydliadau gwirfoddol sy'n cynrychioli materion merched o fewn Cymru.

Am wybodaeth pellach cysylltwch â :
Nia Bennett d/o Chwarae Teg,
Ty'r Cwmnïau, Maerdy,
CAERDYDD, CF14 3UZ.

Wythnos Codi Ymwybyddiaeth o Anhwyldeb Bwyta

I godi ymwybyddiaeth cynhelir cyfres o sesiynau hyfforddi ar draws Gymru 11 - 17 Chwefror,2001.
Mae'r sesiynau gwybodaeth yn ymateb i'r sefyllfa difrifol yma trwy:

codi ymwybyddiaeth a gwybodaeth o anhwyldeb bwyta, achosion ac atal
rhoi gwybodaeth ynglyn a ffynonellau lleol a chenedlaethol ynglyn a triniaeth a chymorth
rhoi cyfle i drafod anghenion lleol a'r ffordd ymlaen
cynnig fforwm i rwydweithio a rhannu gwybodaeth

Trefnwyd y digwyddiadau gan Weithgor Cymru EDA -
Eating Disorders Association - mae'n gweithio ar lefel genedlaethol hefo rhai proffesiynol, Llywodraeth a'r Cynulliad i godi ymwybyddiaeth o'r anghenion gan rai sydd yn cael ei effeithio. Am fwy o wybodaeth:
Pam Cuffin ar neu
Ffôn symudol:

N E W Y D D I O N ---- C Y L L I D O

Mae Ymddiriedolaeth Elusennol Esmee Fairbairn wedi neilltuo £1 miliwn i gynorthwyo sefydliadau cymunedol sydd yn y rhan ganolig o ddatblygu.

Dosberthir y grant dros dair blynedd isefydliadau cymunedol sy'n cynnig y cynlluniau datblygu mwyaf ymarferol i Rwydwaith Sefydliadau Cymunedol. Bydd aelod o'r Panel yn asesu ceisiadau.

Amcan y grant yw i helpu sefydliadau cymunedol yn y cyfnod allweddol hwnnw rhwng cychwyn i fyny a chwblhau'r cynllun, ac yn ôl yr Elusen mae'n dangos pleidlais o ffydd mewn sefydliadau cymunedol drwy'r DU.

Am wybodaeth pellach cysylltwch â Rhwydwaith Sefydliadau Cymunedol ar .

Yr Adolygiad ar Dreth Elusennau 2000

Ers i'r Adolygiad ar Dreth Elusennau ddod i rym ym mis Ebrill 2000, gall unrhyw rodd gan drethdalwr yn y DU - o arian mân i symiau chwe ffigwr - gael ei roi erbyn hyn mewn ffordd sy'n sicrhau bod y Llywodraeth yn gwneud ei rhan hefyd.

Nod llyfryn 20 tudalen Sefydliad Cymorth yr Elusennau (CAF) yw egluro beth y mae'r adolygiad hwn yn ei olygu i elusennau a'u harwain trwy'r agweddau sylfaenol mewn iaith syml ac uniongyrchol. Er mwyn cael gafael ar eich copi personol rhad ac am ddim o'r arweiniad, cysylltwch â Karen Mansen ar .

Cynllun Plant dan 8

Derbyniodd 31 grwp ar yr ynys grant o £95 yr un o dan y cynllun uchod i fudiadau sydd yn ymwneud â phlant dan 8 oed. Dylid nodi fod rhaid amgáu manylion o
gyfrifon y grwp gyda'r ffurflen gais, a dychwelyd y pro forma yn nodi'r gwariant, neu diystyrir ceisiadau yn y dyfodol.

Cronfa Cancr Macmillan

Mae'r elusen yma yn cefnogi pobl sy'n byw efo cancr. Yn gweithio efo'r Gwasanaeth Iechyd ac eraill yn y maes o ofal iechyd, mae'r Elusen Macmillan yn anelu i helpu pobl efo cancr a'u teuluoedd i sicrhau bod yr
wybodaeth , triniaeth a gofal orau ar gael.

Mwy na £40.2 miliwn wedi ei neilltuo i gyllido y gwasanaethau canlynol.

Doctoriaid a Nyrsys Macmillan ac eraill ynghlwm â meddygaeth mewn ysbytai a gofal cymunedol.
Grantiau i gleifion cancr mewn caledi ariannol.
Rhaglen welliannau i adeiladu ynghyd â gwella cyfleusterau i gancr.
Rhoi mwy o lais i gleifion cancr ynglyn â'u triniaeth a gofal.

Mynediad i'r Gwasanaethau uchod trwy ddoctoriaid, ymgynghorwyr, nyrsys a phobl broffesiynol yn ymwneud â iechyd fydd yn gweithredu fel rhan o'r tîm NHS i gynnig ac i gydgordio gofal ymarferol ac emosiynol i ddioddefwyr cancr, yn yr ysbyty ac yn y cartref.

Arian ar gyfer coed cyhoeddus

Mae Cronfa Coed Cymunedol y Cyngor Coed 2001 yn darparu cymorth i fudiadau
cymunedol a gwirfoddol, cynghorau cymuned ac unigolion er mwyn plannu coed ar dir
cymunedol neu ar dir y mae gan y cyhoedd hawl i fynd arno.

Rhaid i'r prosiectau fod yn rhai o 'ansawdd uchel' gyda gwaith ymchwil priodol wedi'i wneud iddynt. Dylai'r costau fod rhwng £100 a £700, a dylid ceisio am 50% oddi wrth ffynonellau eraill. Y dyddiad cau yw
30 Mehefin 2001.

Dylai'r dyddiad dechrau bwriedig fod rhwng 21 Tachwedd a 2 Rhagfyr 2001.
Cysylltwch â'r Cyngor Coed,
51 Catherine Place,
Llundain SW1E 6DY.

Ffôn:
E-bost: www.treecouncil.org.uk

Sefydliad Peter Harrison

Mae Peter Harrison, dyn busnes sy'n arbenigo mewn technoleg gwybodaeth, wedi lansio sefydliad gwerth £30 miliwn i helpu pobl anabl a difreintiedig trwy gyfrwng chwaraeon, addysg ac anghenion arbennig ar gyfer plant a phobl ifanc.

Bydd Peter Harrison Foundation yn dosbarthu grantiau sy'n werth oddeutu £1.4m y flwyddyn i brosiectau rhanbarthol a chenedlaethol. Nawdd i elusennau cofrestredig yn unig a gwahoddir ceisiadau ar gyfer dwy raglen:

Cyfleoedd drwy Chwaraeon Bydd y rhaglen hon yn cefnogi gweithgareddau a phrosiectau chwaraeon a fydd yn cynnig cyfleoedd i bobl anabl neu ddifreintiedig i wireddu eu potensial ac i ddatblygu sgiliau bywyd personol eraill.
Rhaglen grantiau bychain Mae'r rhaglen hon wedi ei neilltuo ar gyfer mudiadau yn Ne Ddwyrain Lloegr yn unig gyda blaenoriaeth i ardaloedd lle ceir lefelau uchel o amddifadiad.

Mae canllawiau a manylion ar gyfer gwneud ceisiadau ar gael oddi wrth:
Sophie Kilminster, Director, The Peter Harrison Foundation, 42 - 48 London Road,
Reigate, Surrey, RH2 9QQ.

Gofal Plant i Blant Oed Ysgol

Ydych chi angen Gofal Plant i blant oed ysgol ar Ynys Môn? Mae cymorth ar gael! Mae'n bosib rhoi cais i'r Gronfa Cyfleoedd Newydd am arian ac mae cymorth ar gael i sefydlu pwyllgor gwirfoddol i redeg Clwb Tu Allan i ysgol. Mae'r clybiau yma yn medru bod ar agor ar ôl ysgol, yn ystod y gwyliau neu cyn ysgol fel mae'r rhieni angen. Os oes ganddoch ddiddordeb mewn cychwyn pwyllgor i gychwyn clwb yn eich ardal chi ffoniwch Wendy Roberts ar .

Newid gyrfa? - A oes gennych ddiddordeb i fod yn gyfathrebwr i'r byddar a phobl drwm eu clyw?
Cysylltwch â: Mrs Meryl Roberts
Cyngor Cymru i'r Byddar
Glenview House, Courthouse Street,
Pontypridd CF37 1JY
Ffôn:
E-bost:

Aelodaeth Mudiad Gwirfoddol ar Grwp Strategaeth Gwasanaethau Plant

Bydd cyd-drefnu Strategaeth, Cynllunio a chydgordio newydd yn dechrau yn y flwyddyn newydd. Bydd rhan Strategol o'r grwp yn cynnwys Prif Swyddogion a byddent yn cyfarfod ddwy waith yn ystod y flwyddyn, gyda'r cyfarfod cyntaf ar 26 Mawrth, 2001.

Gwahoddir cynrychiolwyr o ddau fudiad gwirfoddol i ymuno â'r Grwp Strategol i gynrychioli'r Sector Gwirfoddol.

Ysgrifennwch at Mr Byron Williams,
Cyfarwyddwr Gwasanaethau Cymdeithasol, Cyngor Sir Ynys Môn,
Neuadd y Sir, Ffordd Glanhwfa,
Llangefni,
Ynys Môn. LL77 7TS

ddim hwyrach na 16 Chwefror os hoffech gael eich ystyried.

CYFLEOEDD GWIRFODDOLI AR YNYS MÔN

Hospis yn y Cartref - angen gwirfoddolwyr i helpu yn eu Canolfan Dydd yng Nghaergybi ar ddyddiau Llun a Gwener ac ym Miwmares ar ddydd Iau, hefyd gyda ymweliadau cartrefi a chludiant

RDA - (Cymdeithas Marchogaeth i'r Anabl) - angen gwirfoddolwyr i helpu plant ac oedolion gydag anableddau dysgu/corfforol gyda marchogaeth neu ddreifio ceffyl a thrap

Cyngor Henoed - yn chwilio am wirfoddolwyr i helpu gyda'u Clybiau Cinio yn Niwbwrch, Llangefni a Phorthaethwy

Royal United Kingdom Beneficient Association (RUKBA) - angen gwirfoddolwyr i ymweld a cynnig cymorth i'r henoed sydd eisoes yn cael cefnogaeth gan RUKBA

Canolfan Cynghori Ynys Môn - yn chwilio am wirfoddolwyr i ymuno â'u tîm o gynghorwyr

Car Linc Môn/Cynllun Tro Da - angen gyrwyr gwirfoddol ar frys, a gwirfoddolwyr i helpu gyda siopa, casglu presgripsiwn a.y.y.b.

Scope-Cynllun Hyfforddiant - Os ydych rhwng 16 a 24 oed ac yn ystyried eich hun yn anabl, mae Scope yn gallu darparu rhaglen hyfforddiant dros gyfnod o 12 mis drwy Rhaglen Gwirfoddolwyr y Mileniwm

Chwarae Teg - angen gwirfoddolwyr i ffurfio Pwyllgorau Aelodau i agor a rhedeg "Clybiau ar ôl Ysgol" ar Ynys Môn

Ysgol y Bont, Llangefni(Anghenion Arbennig) - angen gwirfoddolwyr i helpu yn yr ysgol e.e., darllen i'r plant, helpu gyda thripiau a.y.y.b.

Gwasanaeth Tystion - eisiau gwirfoddolwyr i gynorthwyo yn Llysoedd Ynadon a'r Goron leol.

Barnardos Ynys Môn - angen gwirfoddolwyr gofal plant. Bydd pob gwirfoddolwr yn derbyn hyfforddiant a chefnogaeth

Y Groes Goch(Cynllun Cludiant) - eisiau gyrwyr gwirfoddol i'w cynllun cludiant ar Ynys Môn

Taran - angen gwirfoddolwyr i gefnogi pobl gyda gwahanol anableddau mewn awyrgylch swyddfa a gyda gweithgareddau cymdeithasol

Canolfan Lôn Abaty - eisiau derbynyddion gwirfoddol gyda'r nôs yn y Ganolfan

RSPB - Cynllun Warden Gwirfoddol - yn gallu rhoi y cyfle i fod yn 'Warden Gwirfoddol' i hyd at 4 wythnos ar 1 o'u 31 Gwarchodfeydd Natur

Cynllun Cefnogi Dioddefwyr - i helpu/cefnogi dioddefwyr trosedd ar Ynys Môn

Gwirfoddolwyr y Mileniwm - Gwobr cydnabyddedig i wirfoddolwyr rhwng 16 - 24.

Peidiwch â cholli allan!
Fel Gwirfoddolwr - Mae'r hawl gennych i ddisgwyl ad-daliadau am bob cost o'ch poced. Cofiwch mai eich amser ydych yn ei roi am ddim. Mae'r hawl gennych i gario ymlaen i hawlio eich budd-daliadau ar yr amod eich bod yn rhoi gwybod i'ch swyddfa Budd-dal lleol. Os â diddordeb, neu angen mwy o wybodaeth am gyfleoedd gwirfoddoli eraill,

cysylltwch â Jackie neu Cadi,
Biwro Gwirfoddolwyr Ynys Môn ar

GALW AM ROI PEN AR Y DRETH AR WIRFODDOLWYR

Bydd y Swyddfa Cofnodion Troseddol (CRB), a fydd yn gweithredu o fis Gorffennaf 2001 ymlaen, yn codi rhwng £10 - £20 am bob ymholiad i weld a oes gan wirfoddolwyr gofnod troseddol. Bydd yn rhaid i unai'r mudiad gwirfoddol neu'r gwirfoddolwyr eu hunain dalu'r gost.

Meddai Sue Pickavance, pennaeth gwirfoddoli yn Cyngor Gweithredu Gwirfoddol Cymru (CGGC): "Mae cyflwyno archwiliadau'r heddlu yn cyfateb i dreth ar wirfoddolwyr - a chaiff hyn effaith ddinistriol ar y sector gwirfoddol. Bydd llai o bobl yn cynnig eu hunain fel gwirfoddolwyr, a bydd hyn, yn ei dro, yn arwain at fod mudiadau gwirfoddol yn cynnig llai o wasanaethau.

"Rydym yn galw ar y Llywodraeth i ddarparu'r arian ar gyfer archwiliadau'r heddlu. Ni ddylid disgwyl i'r sector gwirfoddol dalu am hyn."

Mae CGGC yn gofyn i'r rheini sydd am ymuno â'r ymgyrch, i roi pen ar y dreth ar wirfoddoli, ysgrifennu at eu ASau lleol a llofnodi deiseb a gaiff ei chyflwyno i'r Ysgrifennydd Cartref.

I gael rhagor o wybodaeth am y Swyddfa Cofnodion Troseddol neu i gael copi o'r ddeiseb, cysylltwch â Sue Pickavance yn CGGC ar .

IYV 2001 THEMA ARBENNIG I BOB MIS

Lansiwyd Blwyddyn Ryngwladol Gwirfoddolwyr (IYV) 2001 ar Ragfyr 5 2000 yn Techniquest ym Mae Caerdydd gan Weinidog y Cynulliad dros Iechyd a Gwasanaethau Cymdeithasol, Jane Hutt ac
Is-Gadeirydd CGGC, Margaret Jervis.

Bydd pob un o fisoedd y flwyddyn nesaf â thema benodol iddo, i adlewyrchu prif feysydd diddordeb mudiadau gwirfoddol yng Nghymru.

Mae hon yn ffordd ardderchog i fudiadau a gwirfoddolwyr ddefnyddio BRG2001 er mwyn lledaenu mwy o wybodaeth am eu gwirfoddoli i weddill Cymru.
Gobeithir, o ddefnyddio'r themâu hyn, y caiff proffil gwirfoddoli ei godi trwy gydol y flwyddyn ac y manteisir i'r eithaf ar effaith BRG2001 yng Nghymru.
Dyma themâu'r misoedd:
Ionawr - Cymunedau
Chwefror - Ethnigrwydd a Diwylliant
Mawrth - Anableddau
Ebrill - Iechyd
Mai - Anifeiliaid
Mehefin - Cyngor, Cefnogaeth a Gofal
Gorffennaf - Yr Amgylchedd
Awst - Y Celfyddydau a Materion Rhyngwladol
Medi - Chwaraeon aThai
Hydref - Ieuenctid, Addysg, Hyfforddiant, Cyflogaeth
Tachwedd - Yr Henoed
Rhagfyr - Plant a Theuluoedd
Am ragor o wybodaeth am BRG, cysylltwch â
Isobel Hume yn swyddfa CGGC ym Mae Caerdydd ar , neu drwy ebost neu ewch at www.iyv.org

Gwasanaethau Gwirfoddol Ynys Môn Ystafell 20, Hyfforddiant Môn
Stâd Ddiwydiannol Pen Yr Orsedd
Llangefni
Ynys Môn LL77 7JA