Cylchlythyr i fudiadau gwirfoddol Ynys Môn

N E W Y D D I O N

Mae Cynllun Cymunedol Moelfre mewn partneriaeth ag Age Concern Gwynedd ag Ynys Môn yn gysylltiedig â Chyngor Sir Ynys Môn yn ymgorffori Clwb dros 50 Moelfre, Clwb Bowlio dan do, Gofal Dydd Hafan a'r Clwb Cinio, Clwb Gwaith Cartra Moelfre newydd ennill gwobr Brydeinig arbennig iawn.

Un o ddau enillydd trwy Brydain maent wedi derbyn gwobr Bura - Ymarfer
Gorau mewn Adfywio Cymunedau am eu gwaith yn ystod y 15 mis diwethaf.

Yn y seremoni wobrwyo cyflwynwyd siec am £1500, a thystysgrif am ymarfer gorau i'r grwp yn cynrychioli y cynllun yn Nhy'r Arglwyddi gan Arglwydd Hunt o'r Wirral .

Dau ddatblygiad diddorol ar y gorwel ynglyn â'r cynllun yw sefydlu Clwb Celf Moelfre, yn rhoi cyfleon celf i blant a phobl ifanc, yn ogystal â sefydlu cysylltiadau creadigol rhwng yr ysgol a'r gymuned, a Clwb Cyfrifiaduron yn rhoi mynediad i oedolion a rhieni i gyfrifiaduron.

Mae'n anrhydedd arbennig ac yn dangos y posibilrwydd i gymunedau eraill sy'n
dymuno ymgynghori a gweithredu agweddau positif o ddatblygu cymunedol.

Y Groes Goch: Prosiect Symudol Ieuenctid - Rhan amser 20 awr wythnos

Penodwyd Cai Roberts yn weithiwr ieuenctid symudol ar Ynys Môn - os ydych yn delio neu mewn cyswllt â phobl ifanc, ac eisio gwybodaeth am unrhyw destun o Sglefrolio i Addysg Rhyw neu Digartrefedd i Addysg gyrfaoedd.

Cysylltwch â: Cai ar

Dymunwn yn dda i Mari o'r Swyddfa ar ei dyweddiad â Leigh sydd ar hyn o bryd yn cwblhau PhD ym Mangor.
Pob lwc a hwyl i'r ddau i'r dyfodol oddi wrth bawb o staff Gwasanaethau Gwirfoddol, ffrindiau a phawb s'yn gysylltiedig â Mari drwy'i gwaith.

British Urban Regeneration
Association Gwobrau Cymunedol 2000.

Yn dilyn dau ymweliad gan aelodau o banel BURA i asesu Cynllun Cymunedol Moelfre yng Ngorffennaf a Hydref, nodwyd llwyddiant i aelodau ynghlwm wrth y cynllun yn Nhachwedd, yn ogystal â chyfraniad o £10,000 gan Sefydliad Lloyds T.S.B. tuag at ddatblygiadau pellach.

Llun yn dangos swyddogion lleol efo Nia Bown Rheolwr Lloyds T.S.B. Llangefni, a John Clifford Jones Prif Swyddog Age Concern Gwynedd / Ynys Môn yn ystod cyflwyno'r siec.

Chwaraeon y Ddraig - Apwyntiwyd Helena Burrows yn Gyd-gysylltydd Chwaraeon y Ddraig ar Ynys Môn. Rhoddir blaenoriaeth i rai rhwng 7 - 11oed.
Mae'r rhaglen yn anelu i:
· Annog pobl ifanc i gymryd rhan mewn chwaraeon allan i oriau ysgol.
· Annog cysylltiadau clwb ag ysgol.
· Recriwtio a hyfforddi trefnwyr gwirfoddol i sicrhau cyfleon chwaraeon i blant mewn awyrgylch diogel, pwrpasol a safonol.
Mae Helena efo mynediad i offer yn ymwneud â 7 o chwaraeon yn gynwysiedig yn y cynllun, bydd hefyd yn ymwneud â Hyfforddi Arweinyddion

I gysylltu â Helena: ffoniwch

H Y F F O R D D I A N T

Newyddion Golygyddol: CYRSIAU CYMUNEDOL.

Datblygwyd cyrsiau newydd rhan amser i hyfforddi pobl leol mewn sgiliau datblygu ac
adfywio cymunedol trwy Brifysgol Gymunedol Gogledd Cymru.
Anelwyd y Cyrsiau at y rhai hynny sy'n ymwneud ag yn newydd i waith cymunedol, yn rhoi cyfle i adeiladu ar eu sgiliau ac ennill cymhwyster cydnabyddedig.
Fe all myfyrwyr astudio yn rhan amser, llawn amser, neu gyfuniad o'r ddau gan fod y cyrsiau wedi eu rhannu yn unedau bychan, ac fe ellir adeiladu credyd i fyny tuag at ddewis o gymhwyster, gan gynnwys HNC, Tystysgrif, Diploma / Gradd mewn Datblygiad Cymunedol.

Cyrsiau ar gael o Brifysgol Cymru Bangor, ac o Goleg Y Rhyl o Ionawr 2001.
Am wybodaeth cysylltwch â: Shan ar neu Irene ar 0.

Gwybodaeth ar gyrsiau hyblyg eraill, cysylltwch ag unrhyw un o'r deg Coleg yng Ngogledd Cymru sy'n rhan o'r Brifysgol Gymunedol.
E-bost -

CEFNOGAETH ARIANNOL I FYFYRWYR RHAN-AMSER ADDYSG UWCH.

Mae'r Brifysgol Gymunedol wedi cyhoeddi llyfryn newydd am ddim yn cynnwys gwybodaeth am yr help ariannol sydd ar gael i fyfyrwyr rhan amser addysg uwch yng
Ngogledd Cymru.
Mae'r llyfryn yn cynnwys gwybodaeth ar ofal plant, anableddau, anghenion cefnogi ychwanegol a mynediad cyhoeddus i gyfrifiaduron.

Cyswllt: Lisa Parkhouse neu e-bost:

Cymdeithas Clefyd Parkinson.

Cynhelir cyfarfod nesaf o gangen Arfon ag Ynys Môn, Dydd Mawrth 30ain Ionawr, 2001, yng Ngwesty Carreg Brân, Llanfairpwll, Ynys Môn yn cychwyn am 2.00.pm.

Anerchir y cyfarfod gan Mrs Mary Baker MBE, Prif Weithredwr Cymdeithas Clefyd Parkinson y Deyrnas Unedig.

Os â diddordeb mewn mynychu cysylltwch:
Robert O.Williams. Ysg Mygedol
37 Gwelfor, Cemaes. Ynys Môn. LL67 0NL

Ffôn: .

Atgoffwn pawb am y Cwrs Iechyd, Diogelwch a Cymorth Cyntaf Brys.

Cynhelir y Cwrs Dydd Mawrth, 16eg Ionawr, a 23ain Ionawr, 2001, yn Ystafell Bwyllgor 2, Swyddfeydd Cyngor Sir Ynys Môn.

Amgaewyd manylion llawn o gynnwys y Cwrs ynghyd â ffurflen gais efo rhifyn olaf Dan Do.

Os â diddordeb anfonwch y ffurflen gais
erbyn 6 Ionawr, 2001 i

Derlwyn Hughes GGYM
Ystafell 20, Hyfforddiant Môn,
Llangefni. Ynys Môn. LL77 7JA.
Ffôn:

Dyfarniadau Unigate

Mae Dyfarniadau Adnoddau Oedran Unigate unwaith eto'n chwilio am geisiadau. Eu nod yw tynnu sylw at grwpiau ac unigolion (dros 50 oed) sy'n ymwneud â phrosiectau neu weithgareddau arloesol, a chynnig cefnogaeth iddynt. Cynigir dyfarniadau sy'n werth hyd at £1,500 o dan y categorïau canlynol:
ffordd o fyw egnïol, y celfyddydau, gwaith amgylcheddol a thechnoleg gwybodaeth.

Y dyddiad cau yw 31 Ionawr 2001.
Am fanylion, ffoniwch .

N E W Y D D I O N ---- C Y L L I D O

Elusen Beaufort.

Mae'r Elusen yma yn rhoi rhwng £100 a £5,000 i elusennau cofrestredig, ysgolion, colegau a phrifysgolion wrth annog a hyrwyddo datblygiadau pellach mewn addysg, crefydd, neu unrhyw bwrpas elusennol arall.

Gellir gwneud ceisiadau unrhyw amser, dim angen ffurflen gais arbennig.
Am wybodaeth bellach cysylltwch:

Company Secretary,
Beaufort House Trust,
Beaufort House,
Brunswick Road,
Gloucester. GL1 1JZ.

Ffôn: .

Grantiau'r Halifax.

Mae rhaglen newydd yr Halifax yn canolbwyntio ar y meysydd canlynol:
helpu gyda addysg gydol oes, cyllido cyngor am ddyledion i bawb, helpu gyda thechnoleg, cefnogi cymunedau.

Mae rhoddion o rhwng £100 a £1,000 ar gael ar gyfer prosiectau rhanbarthol.
I gael ffurflen gais cysylltwch â:
Halifax plc,
Cydlynydd Cysylltiadau Cymuned,
12 Floor Castlemead, Lower Castle Street, Bryste, BS1 3AH.

Os oes arnoch angen cefnogaeth ar gyfer prosiect cenedlaethol sy'n chwilio am fwy o nawdd sylweddol cysylltwch â'r tim Cysylltiadau Cymuned ar neu sgwennu atynt yn:
Cysylltiadau Cymuned, Halifax plc,
Trinity Road, Halifax,
Swydd Gaerefrog,
HX1 2RG.
E-bost:

PPP Healthcare Medical Trust.

Sefydlwyd cynllun grant newydd gan PPP Healthcare Medical Trust i gefnogi seminarau ar faterion iechyd.
Grantiau o rhwng £1,000 ac £20,000 ar gael i fudiadau gwirfoddol.
Bydd dau gyfnod pob blwyddyn o rannu
grantiau y nesaf ym Mai 2001.

Am wybodaeth pellach cysylltwch:

Kelly Chance Gweinyddwr Ceisiadau.
13 Cavendish Square,
Llundain. W1G 0PQ.

Ffôn: .
Ffacs: .
Ebost:

Help the Aged Cymru - rhaglen grantiau

Carai Help the Aged Cymru dderbyn rhagor o geisiadau ar gyfer prosiectau yng Nghymru sy'n newydd neu sydd wedi defnyddio eu holl arian.
Mae'r rhaglen grantiau hon yn cefnogi gwaith a wneir gan y gymuned a grwpiau gwirfoddol er budd yr henoed a'u cynhalwyr. Dyfernir grantiau i ystod eang o brosiectau gan gynnwys gwasanaethau trafnidiaeth, gofal seibiant, hosbis, cynlluniau i'r digartref, canolfannau dydd, clybiau cinio a datblygu gofal gwledig. Meysydd o ddiddordeb arbennig yn cynnwys grymuso'r henoed ac unigrwydd gwledig.

I gael mwy o wybodaeth, cysylltwch â
Help the Aged Cymru, Ystafell 123,
Ty CSV, Williams Way, Caerdydd, CF10 5DY.
Ffôn
E bost:
Safle ar y We: www.helptheaged.org.uk

Copiau o COMPACT - GWELEDIGAETH AR Y CYD rhwng y Sector Iechyd Statudol a'r Sector Gwirfoddol yng Ngogledd Cymru ar gael o'r swyddfa i grwpiau â diddordeb

CYFLEOEDD GWIRFODDOLI AR YNYS MÔN

Gwasanaeth Hawliau Plant ac Eiriolaeth - i gynorthwyo pobol ifanc

Gwasanaeth Tystion - i gynorthwyo yn Llysoedd Ynadon a'r Goron Lleol yn Llangefni, Caergybi, Bangor a Caernarfon

Canolfan Lôn Abaty - derbynyddion gyda'r nôs yn y ganolfan

Mind, Caergybi - i gynorthwyo gyda pobl â phroblemau iechyd meddwl e.e.
cefnogi, gwrando a dyletswyddau gweinyddu

Cynllun Tro Da - yng nghymunedau yr Ynys i helpu gyda siopa, casglu presgripsiwn ayb

Cymdeithas Strôc Caergybi - i helpu gyda chadair olwyn a helpu pobl i fynd o gwmpas yn eu cyfarfodydd ag hefo raffls, te ayb

Barnardos Ynys Môn - angen gwirfoddolwyr gofal plant. Bydd pob gwirfoddolwr yn derbyn cefnogaeth a chyfleoedd hyfforddi.

Tim 'A' Ynys Môn - ysgrifennydd gwirfoddol ac hefyd gwirfoddolwyr i helpu adnewyddu hen gwch - DIY

Hospis yn y Cartref - gyrrwyr
gwirfoddol yn ardal Caergybi i fynd a chleifion i'w hospis yng Nghaergybi, ar foreau Llun pob pythefnos

Urdd Ynys Môn - yn chwilio am dri
arweinydd gwirfoddol i arwain
Aelwydydd yr Urdd ym Mhorthaethwy, Benllech a Talwrn

Clybiau Bechgyn a Genethod, Cymru - i helpu gyda Chlybiau Ieuenctid fel Arweinyddion neu gynorthwywyr

WRVS - i helpu yn eu siopau Ysbyty

Gwirfoddolwyr y Mileniwm - Gwobr cydnabyddiedig i wirfoddolwyr rhwng
16 - 24. Peidiwch â cholli allan!

Fel Gwirfoddolwr - Mae'r hawl gennych i ddisgwyl ad-daliadau am bob cost o'ch poced - cofiwch mai eich amser yr ydych yn ei roi am ddim!
Gellwch hawlio eich budd-daliadau ar yr amod eich bod yn rhoi gwybod i'ch swyddfa budd-dal leol.

Os â diddordeb, neu angen mwy o wybodaeth am gyfleoedd gwirfoddoli eraill, cysylltwch â Jackie neu Cadi

BTCV Cymru - Os oes gennych diddordeb mewn cadwraeth a gwaithgwirfoddol i'r amgylchedd gellwch ddysgu sgiliau newydd yng nghefn gwlad Gogledd Cymru.

Cysylltwch : am fwy o wybodaeth.

Gwasanaethau Gwirfoddol Ynys Môn Ystafell 20, Hyfforddiant Môn
Stâd Ddiwydiannol Pen Yr Orsedd
Llangefni
Ynys Môn LL77 7JA