6: The Lobster Pot.

Yn Ôl

Cyflenwyr Arbenigol ym Môn

Yn 1946 penderfynodd John a Freda Wilson droi eu ty haf, Glan yr Afon, yn westy bychan - The Lobster Pot - i ddarparu 'te bach' ganol y pnawniau. Dros y blynyddoedd datblygwyd y Lobster Pot i fod yn dy bwy ta helaethach a ddaeth yn enwog am ei fwydydd môr.
Yn 1989 cymerodd eu merch, Lindy Wood, gyfrifoldeb am redeg y busnes. Cadwodd hi awyrgylch cartrefol y busnes teuluol. Busnes marchnata pysgod y teulu Wilson eu hunain sy'n sicrhau cyflenwadau o gimychiaid, crancod, cregyn bylchog a lledod a gaiff eu gweini wrth olau cannwyll rhamantus yn y bwyty hwn.

Moules Mariniere
Ar gyfer dau o bobl:
2 bwys/ 900 gram o Gregin Gleision glân
1 Nionyn wedi ei dorri'n fân
1 ewin Garlleg
4 owns hylifol o Win Gwyn
2 owns hylifol o Hufen Dwbl
Pupur Du
Persli a Lemon i addurno
½ cwpanaid o Ddwr

Y saws: Ffrîwch y nionyn a'r garlleg yn ysgafn am 3-4 munud. Ychwanegwch y gwin a'u coginio'n ysgafn am 3-4 munud arall. Ychwanegwch yr hufen a'r pupur du ac, am eu pen, hidlwch y gwlych oddi ar y cregin gleision.
Coginio'r Cregin Gleision :Rhowch y Cregin Gleision mewn ½ cwpanaid o ddwr i'w coginio'n chwyrn dros wres uchel am 3-4 munud. Rhowch dro arnynt wrth iddynt ddechrau agor. Cadwch y caead ar y sosban. Gyda llwy rwyllog, tynnwch y cregyn allan a'u rhannu rhwng dau blât dwfn. Taflwch unrhyw Gregin Gleision sydd heb agor .Tywalltwch y saws dros y Cregin Gleision a'u haddurno efo sleisys o lemon.