9: Lastra Farm Hotel.

Yn Ôl

Cyflenwyr Arbenigol ym Môn

Lastra Farm Hotel.

Lleolir Gwesty Fferm Lastra, a agorwyd 20 mlynedd yn ôl, ½ milltir o dref hanesyddol Amlwch a'r enwog Mynydd Parys. Mae'r ffermdy gwreiddiol o'r 17 eg Ganrif yn gweini cinio canol dydd a gyda'r nos yn ogystal â chynadleddau yn ei swît Parys sef ystafell wydr pwrpasol.
Mae'r gwesty gwledig a hanesyddol hwn yn cynnig rhywbeth a fydd at chwaeth a chysur pawb. Mae gan bob ystafell wely faddondy 'en suite', a rhoir gair da yn gyffredinol i'r bwyty am ei ddarpariaeth o fwydydd rhagorol.

Stêc Bodafon
2 Stêcen 8 owns o Gig Eidion Môn
3 owns o Gaws Cymreig wedi ei ratio
1 Genhinen
½ peint o Saws Bordelaise (Grafi)
1 llond llwy de o Biwre Tomato
½ gwydraid o Win Port

Torrwch unrhyw gig gwyn i ffwrdd a gwnewch boced yn un ochr i bob stecen. Sleisiwch y genhinen a ffrîwch hi'n ysgafn. Llenwch bob stecen efo'r caws a'r cennin. Rhowch y stêcs ar hambwrdd crasu a griliwch y ddwy ochr iddynt yn ôl eich chwaeth eich hun. Rhowch y saws mewn sosban sydd â, gwaelod tew iddi, a chymysgwch y piwre tomato i mewn i'r saws. Codwch o i ferwi.
Ychwanegwch y Port, a phupur a halen, ac yna'i fudferwi am ychydig. Rhowch y saws dros y stêcs a'u gweini efo persli wedi ei falu.