3: Gwesty Carreg Brân.

Yn Ôl

Cyflenwyr Arbenigol ym Môn

Saif Gwesty Carreg Brân ger glannau'r Fenai ac mae'n lle delfrydol i dreulio gwyliau. Mae'r perchennog Nan Edwards, y Rheolwr a'r staff yn ymfalchîo yn ansawdd y gwasanaeth, yr awyrgylch cysurus a'r arlwyr a gynigir ganddynt i'w gwesteion. Mae pob un o'r ystafelloedd cysgu yn cynnwys baddondy 'en suite' ac mae gwres canolog ynddynt i gyd. Mae yno neuadd wledda ar gyfer 130, ac mae yno ddigon o le i barcio ceir. Arbeniga Carreg Brân mewn gwyliau penwythnos ac mewn gwleddoedd priodasol.

Cig Oen Wellington efo Saws Cyrens Duon a Soubise
6 owns o Ffiled Cig Oen
1 Genhinen
2 owns o Grwst Pwff
2 owns o Nionyn wedi ei dorri'n fân
1 owns hylifol o Win Gwyn
1 owns hylifol o Hufen Dwbl
2 owns o Gyrens Duon
1 owns hylifol o Win Coch

Ffrîwch y cig oen yn gyflym am funud neu ddau a gadewch iddo oeri cyn ei lapio efo dail y genhinen sydd wedi eu sgaldian am ychydig o funudau. Yna lapiwch o yn y crwst pwff a'i frwsio efo wy wedi ei guro. Craswch o ar dymheredd o 160 gradd Celsiws nes ei fod yn frown golau.
Saws Soubise
Blansiwch y nionyn mewn sosban ac ychwanegwch y gwin gwyn a'u twymo'n araf. Ychwanegwch yr hufen a rhoi digon o bupur a halen yn ôl eich chwaeth.
Saws Cyrens Duon
Blansiwch y cyrens duon am 3 munud. Tywalltwch y dwr i gyd a rhoi'r cyrens duon yn ôl yn y sosban gan ychwanegu'r gwin coch. Codwch hwy i fudferwi am 5 munud. Stwnsiwch y cwbl a'u tywallt ar un ochr y blât gweini a rhoi'r Saws Soubise ar yr ochr arall. Gosodwch y cig oen ar ganol y plât a'i weini.